Анатоль Мікалаевіч Карташэвіч

Анатоль Мікалаевіч Карташэвіч (11 лютага 1949, Слуцк, Мінская вобласць) — беларускі вучоны ў галіне аўтатрактарабудавання. Доктар тэхнічных навук (1993), прафесар (1994), акадэмік Інжынерна-тэхналагічнай і Інжынернай акадэміі Рэспублікі Беларусь, акадэмік Акадэміі аграрнай адукацыі, член Міжнароднай асацыяцыі Еўрапейскіх універсітэтаў. Кембрыджскім біяграфічным цэнтрам прызнаны «Чалавекам года» (1998).

Анатоль Мікалаевіч Карташэвіч
Дата нараджэння	11 лютага 1949(1949-02-11) (76 гадоў)
Месца нараджэння	Слуцк, Слуцкі раён, Бабруйская вобласць, Беларуская ССР, СССР
Грамадзянства	СССР  Беларусь
Род дзейнасці	навуковец
Месца працы	Беларуская дзяржаўная сельскагаспадарчая акадэмія
Навуковая ступень	доктар тэхнічных навук (1993)
Навуковае званне	прафесар акадэмік Міжнароднай акадэміі аграрнай адукацыі[d] акадэмік Беларускай інжынернай тэхналагічнай акадэміі[d] акадэмік Беларускай інжынернай акадэміі
Альма-матар	Беларуская дзяржаўная сельскагаспадарчая акадэмія (1971)
Узнагароды

У Вікіпедыі ёсць артыкулы пра іншых людзей з прозвішчам Карташэвіч.

Біяграфія

Скончыў БСГА (1971), дзе і працуе (у 1993—1996 гг. дэкан па міжнародных сувязях, у 1996—2002 гг. першы прарэктар).

Аўтар звыш за 730 навукова-метадычных работ, у тым ліку 3 манаграфій, звыш за 20 кніг і брашур па паляпшэнні эксплуатацыйных характарыстык рухавікоў унутранага згарання, па актуальных праблемах аграрнай адукацыі. Аўтар 155 патэнтаў на вынаходствы, асобныя з якіх былі ўкаранёны на заводах краін СНД па вытворчасці рухавікоў (Наберажныя Чалны, Санкт-Пецярбург, Харкаў). Распрацаваў сістэмы аховы рухавікоў ад цеплавых і механічных перагрузак, прынцыпы павышэння экалагічных і эканамічных паказчыкаў работы дызеляў. Вынікі яго навуковай работы надрукаваны ў Германіі, Вялікабрытаніі, Францыі, Японіі, Кітаі, Польшчы, Румыніі, Расіі і інш. Выдаў 8 манаграфій, 14 вучэбных дапаможнікаў, звыш 20 кніг і брашур.

Асноўныя публікацыі

• Мелиоративные машины : курсовое и дипломное проектирование: учеб.пособие. — Горки, 1997 (у сааўт.).
• Белорусская СХА: специальности и специализации. — Горки, 1998.
• Белорусская СХА: история и современность. — Горки, 1998.

Узнагароды і званні

• Заслужаны работнік адукацыі Рэспублікі Беларусь (26 лютага 2021)^[1].

Зноскі

1. Указ Прэзідэнта Рэспублікі Беларусь 26 лютага 2021 г. № 61 «Аб узнагароджанні» (нявызн.). Национальный правовой Интернет-портал Республики Беларусь (27 лютага 2021).