Аркадзь Сцяпанавіч Крук

У Вікіпедыі ёсць артыкулы пра іншых людзей з прозвішчам Крук.

Арка́дзь Сцяпа́навіч Крук (16 лютага 1920, Яснаўка ў Пухавіцкім раёне, Мінская вобласць — 2015) — беларускі вучоны ў галіне траўматалогіі і артапедыі. Доктар медыцынскіх навук (1967), прафесар (1986). Заслужаны дзеяч навукі БССР (1980).

Аркадзь Сцяпанавіч Крук
Дата нараджэння	16 лютага 1920(1920-02-16)
Месца нараджэння	Яснаўка, Пярэжырская воласць, Ігуменскі павет, Менская губерня, Беларуская ССР
Дата смерці	2015
Грамадзянства	Беларусь
Род дзейнасці	артапед, хірург, урач, выкладчык універсітэта
Навуковая сфера	артапедыя і траўматалогія
Месца працы	БДМУ
Навуковая ступень	доктар медыцынскіх навук
Навуковае званне	прафесар
Альма-матар	Мінскі медыцынскі інстытут (1951) Пярэжырская сярэдняя школа імя А.Е. Гурыновіча
Вядомыя вучні	Анатоль Міхайлавіч Сакалоўскі
Узнагароды

Біяграфія

Вучыўся ў Пярэжырскай школе, на рабфаку ў Мінску. Удзельнік Вялікай Айчыннай вайны. У 1951 г. скончыў Мінскі медыцынскі інстытут, з 1958 г. працаваў у ім (у 1961—1985 — прарэктар, у 1965—1987 — загадчык кафедры).

Быў старшынёй Беларускага навуковага таварыства траўматолагаў-артапедаў, старшынёй спецыялізаванай навуковай рады медінстытута, членам рэдакцыйнай рады часопіса «Артапедыя, траўматалогія і пратэзаванне»

Навуковая дзейнасць

Аўтар шматлікіх навуковых прац па вывучэнні паталогіі гнойнай касцявой раны і дэгенератыўна-дыстрафічных працэсаў у касцявой тканцы пры артапедычнай паталогіі. Апублікаваў 220 навуковых прац.

Сярод апублікаванага:

• Хирургическое лечение заболеваний тазобедренного сустава. — Мн., 1993 (разам з А. М. Сакалоўскім).

Узнагароды і званні

• Ордэны, медалі,
• 2 Ганаровыя граматы Вярхоўнага Савета БССР;
• Заслужаны дзеяч навукі БССР (1980)

Зноскі