Арсеній Дзіянісавіч Арсенка

Арсеній (Арсен) Дзіянісавіч Арсенка (15 сакавіка 1903, Новая Вадалага, Харкаўская вобласць — 30 жніўня 1945) — беларускі і ўкраінскі савецкі спявак (барытон). Народны артыст БССР (1944)^[1] і акцёр .

Арсеній Дзіянісавіч Арсенка
Асноўная інфармацыя
Дата нараджэння	15 сакавіка 1903(1903-03-15)
Месца нараджэння	Нова Вадалага, Валкаўскі павет[d], Харкаўская губерня, Расійская імперыя
Дата смерці	30 жніўня 1945(1945-08-30) (42 гады)
Месца смерці	Мінск, Мінская вобласць, Беларуская ССР, СССР
Месца пахавання	Вайсковыя могілкі
Краіна	СССР
Альма-матар	Харкаўскі нацыянальны ўніверсітэт мастацтваў імя І. П. Катлярэўскага
Месца працы	Нацыянальны акадэмічны Вялікі тэатр оперы і балета Рэспублікі Беларусь
Музычная дзейнасць
Прафесіі	оперны спявак
Пеўчы голас	барытон
Інструменты	вакал
Узнагароды
Медыяфайлы на Вікісховішчы

Біяграфія

Скончыў у 1928 годзе Харкаўскі музычна-драматычны інстытут^[ru]. У 1928—1937 гадах працаваў у оперных тэатрах Харкава, Адэсы^[2], у Вялікім тэатры СССР^[1].

З 1937 года — саліст Дзяржаўнага тэатра оперы і балета БССР^[1][2].

Магіла Арсена Арсенкі

Памёр 30 жніўня 1945 года. Пахаваны ў Мінску на Вайсковых могілках. У 1950 годзе на магіле пастаўлена стэла з выявай ліры і гарэльефам^[2].

Творчасць

Першы выканаўца галоўнай партыі ў операх «У пушчах Палесся» А. Багатырова (Кузьміч), «Кветка шчасця» А. Туранкова (Андрэй)^[1]. Таксама выконваў ролі Змітрака ў оперы «Міхась Падгорны» і Апанаса ў «Алесе» Я. К. Цікоцкага^[3]. Сярод лепшых роляў класічнага рэпертуару: Фігаро («Севільскі цырульнік  (руск.)» Д. Расіні), Жэрмон і Рыгалета («Травіята» і «Рыгалета» Д. Вердзі), Валянцін («Фаўст» Ш. Гуно), Анегін («Яўген Анегін» П. Чайкоўскага), Ялецкі («Пікавая дама» П. Чайкоўскага). Арсенка валодаў высокай вакальнай культурай, створаныя ім вобразы адрозніваліся арыгінальнасцю музычнай і сцэнічнай трактоўкі. Выступаў і як камерны спявак^[1][2].

Зноскі

1. Арсенко Арсений Дионисович // Биографический справочник. — Мн.: «Белорусская советская энциклопедия» имени Петруся Бровки, 1982. — Т. 5. — С. 30. — 737 с.
2. Збор помнікаў гісторыі і культуры Беларусі / АН БССР. Ін-т мастацтвазнаўства, этнаграфіі і фальклору; Рэд. кал.: С. В. Марцэлеў (гал. рэд.) і інш. — Мн.: БелСЭ, 1988. — Мінск. — 333 с.: іл. — ISBN 5-85700-006-8.
3. АРСЕНКО Арсен Дионисович Архівавана 23 мая 2013.