Аруша

Ару́ша (суахілі: і англ.: Arusha) — горад на поўначы Танзаніі, адміністрацыйны цэнтр аднайменнай вобласці. Насельніцтва (2005 г.) — 341 155 чал.

Горад
Аруша
суахілі: і англ.: Arusha
3°22′00″ пд. ш. 36°41′00″ у. д.HGЯO
Краіна	Танзанія
Гісторыя і геаграфія
Заснаваны	1948
Вышыня цэнтра	1387 м
Часавы пояс	UTC+03:00
Насельніцтва
Насельніцтва	341155 чалавек (2005)
Афіцыйная мова	суахілі
Лічбавыя ідэнтыфікатары
Тэлефонны код	027
Паказаць/схаваць карты
Аруша
Медыяфайлы на Вікісховішчы

Геаграфія

Горад Аруша знаходзіцца на поўначы Танзаніі за 89 км ад мяжы з Кеніяй (КПП Наманга), каля гары Меру, за 83 км ад гары Кіліманджара, за 84 км ад возера Маньяра, за 110 км ад возера Натрон, за 84 км ад Нацыянальнага парка Нгорангора, за 172 км ад Нацыянальнага парка Серэнгеці.

Горад размешчаны на ўзвышшы. Нягледзячы на блізкасць да экватара, клімат у ім блізкі да ўмеранага. У самы спякотны перыяд (з кастрычніка да сакавіка) дзённая тэмпература рэдка перавышае 28° C, затое ўначы апускаецца да 15° C. У самыя халодныя месяцы (чэрвень і ліпень) сярэдні тэмпературны максімум складае 21° C. Найбольш вільготны месяц — красавік (200 мм ападкаў), найбольш сухі — жнівень (10 — 20 мм ападкаў).

Гісторыя

Горад Аруша быў заснаваны германскімі каланізатарамі ў 1900 г. як паўночны пункт іх валоданняў ва Усходняй Афрыцы. Тут размяшчаліся нямецкі ваенны гарнізон і крэпасць Бома. Сваю назву горад атрымаў ад племені масаяў-ларуса (мясцовы народ меру з групы банту называе іх вааруша), якія мігрыравалі ў гэтыя мясціны з поўначы.

Пасля I Сусветнай вайны мясцовыя землі трапілі ў склад валоданняў Вялікабрытаніі.

9 снежня 1961 г. у Арушы было падпісана пагадненне паміж прадстаўнікамі Вялікабрытаніі і Афрыканскім Нацыянальным Саюзам Танганьікі аб наданні незалежнасці гэтай частцы Усходняй Афрыкі. У 1964 г. Аруша стала часткай незалежнай дзяржавы Танзанія. У 1967 г. у Арушы была абвешчана праграма сацыялістычнага развіцця Танзаніі.

У 1967—1977 гг. горад Аруша з’яўляўся афіцыйным цэнтрам Усходняй Афрыканскай Супольнасці. У 1995 — 2016 гг. у ім праводзяцца паседжанні Міжнароднага крымінальнага трыбунала па Руандзе.

Эканоміка

Аруша — важны эканамічны цэнтр Танзаніі. У ім знаходзяцца прадпрыемствы харчовай і лёгкай прамысловасці, працуюць мясцовы ўніверсітэт, аэрапорт, шэраг буйных гандлёвых кампаній.

Дзякуючы блізкасці асноўных славутых мясцін Паўночнай Танзаніі, Аруша вабіць шматлікіх турыстаў, з’яўляецца значным транзітным пунктам.

Насельніцтва

Год Колькасць 2012 416 442 2012 270 500 2022 617 631 [1] 2023 535 362 [2]

Гарады-пабрацімы

•  Дарэм, ЗША
•  Канзас-Сіці, ЗША
•  Мюрццушлаг^[d], Аўстрыя

Галерэя

• 
  Аруша. Выгляд на гару Меру
• 
  Манумент у гонар абвяшчэння незалежнасці
• 
  Кафедральны сабор Арушы
• 
  На базары