Аляксандр Барысавіч Захарчук

Аляксандр Барысавіч Захарчу́к (нар. 28 чэрвеня 1960, в. Вострава, Зэльвенскі раён, Гродзенская вобласць) — беларускі архітэктар.

Аляксандр Барысавіч Захарчук
Дата нараджэння	28 чэрвеня 1960(1960-06-28) (65 гадоў)
Месца нараджэння	Вострава, Галынкаўскі сельсавет, Зэльвенскі раён, Гродзенская вобласць, Беларуская ССР, СССР
Альма-матар	архітэктурны факультэт БНТУ (1982)
Месца працы	Упраўленне па будаўніцтве і архітэктуры Гродзенскага аблвыканкама[d] калгас «Камсамолец»[d] Гроднаграмадзянпраект
Навуковае званне	Саветнік Беларускай акадэміі архітэктуры[d]
Член у	Беларускі саюз архітэктараў Беларуская акадэмія архітэктуры
Узнагароды	Прэмія Міністэрства архітэктуры і будаўніцтва Рэспублікі Беларусь імя У. А. Караля[d] Ганаровы будаўнік[d]

У Вікіпедыі ёсць артыкулы пра іншых людзей з прозвішчам Захарчук.

Біяграфія

Скончыў у 1977 годзе Галынкаўскую школу^[1], у 1982 годзе архітэктурны факультэт БПІ. Размеркаваўся ў Ленінград, але неўзабаве вярнуўся на Гродзеншчыну^[2]. У 1982—1988 гадах працаваў архітэктарам, кіраўніком групы архітэктараў ва Упраўленні па будаўніцтве і архітэктуры Гродзенскага аблвыканкама. У 1988—1989 гадах галоўны архітэктар калгаса «Камсамолец» Гродзенскага раёна. З 1989 года ў інстытуце «Гроднаграмадзянпраект», архітэктар, вядучы архітэктар, кіраўнік групы архітэктараў, галоўны архітэктар праектаў праектнай майстэрні № 3^[3].

Член Беларускага саюза архітэктараў з 2003 года. З 2011 года старшыня Гродзенскай абласной арганізацыі БСА. Саветнік Беларускай акадэміі архітэктуры (2006)^[3].

Творы

Асноўныя працы ў аўтарскіх калектывах і самастойна: «Адраджэнне комплексу Жыровіцкага манастыра» (праект), комплекснае добраўпарадкаванне гістарычнага цэнтра г. Навагрудак, комплексная рэканструкцыя цэнтра г. п. Мір, рэканструкцыя транспартнай развязкі па вул. Будзённага, рэканструкцыя Савецкай плошчы з транспартнымі падыходамі, рэканструкцыя старога моста цераз р. Нёман, рэканструкцыя пансіянат «Свіцязь», «Белгазпрамбанк» — усе ў Гродне, комплексная рэканструкцыя цэнтра г. Ліда, — сталіцы Дажынак—2010, цэнтр комплекснага аўтасэрвісу па вул. Суворава ў Гродне, рэканструкцыя з рэстаўрацыяй дома Мураўёва ў Гродне, плавальны басейн, спальны корпус аздараўленчага цэнтра Нацыянальнага банка РБ у заказніку «Азёры»^[3].

Узнагароды

Лаўрэат прэміі імя У. А. Караля Міністэрства архітэктуры і будаўніцтва Беларусі (1999). Ганаровы будаўнік (2011)^[3]. Узнагароджаны медалём «За працоўныя заслугі» (2017)^[4].

9 верасня 2022 года прысвоена званне Заслужаны архітэктар Рэспублікі Беларусь^[5].

Сям’я

Мае сястру Лілію Барысаўну Захарчук-Сідорку, якая з моманту адкрыцця СШ № 3 у Зэльве выкладала гісторыю, а з 2003 года ўзначаліла школьны гісторыка-краязнаўчы музей^[1].

Зноскі

1. Галынкаўскай школе — 80! (нявызн.)(недаступная спасылка). Архівавана з першакрыніцы 20 верасня 2019. Праверана 20 верасня 2019.
2. В чем заключено главное архитектурное достояние Зельвы? Объясняет наш земляк – главный архитектор института «Гродногражданпроект» Александр Захарчук (нявызн.)(недаступная спасылка). Архівавана з першакрыніцы 21 верасня 2019. Праверана 20 верасня 2019.
3. Захарчук Александр Борисович // Кто есть Кто в Республике Беларусь. Архитекторы Беларуси. / Редакционный совет: И. В. Чекалов (пред.) и др. — Минск: Энциклопедикс, 2014. — 140 с. — ISBN 978-985-7090-29-7. (руск.)
4. Прадстаўнікі Гродзеншчыны адзначаны дзяржаўнымі ўзнагародамі. 22 чэрвеня 2017
5. Дзяржаўных узнагарод удастоены 160 прадстаўнікоў розных сфер дзейнасці (нявызн.)(недаступная спасылка). Архівавана з першакрыніцы 12 верасня 2022. Праверана 13 верасня 2022.