Бабоўцы

Бабо́ўцы^[1] (трансліт.: Baboŭcy, руск.: Бобовцы) — вёска ў Лідскім раёне Гродзенскай вобласці. Уваходзіць у склад Тарноўскага сельсавета.

Вёска Бабоўцы Краіна Беларусь Вобласць Гродзенская Раён Лідскі Каардынаты 53°48′19″ пн. ш. 25°06′33″ у. д.HGЯO Насельніцтва ▼18 чал. (2009) Часавы пояс UTC+3 Тэлефонны код +375 154 Паштовыя індэксы 231323 Аўтамабільны код 4 СААТА 4236852014 Бабоўцы Бабоўцы

Гісторыя

Вопіс парафій Лідскага дэканата 1784 года згадвае вёску Бабоўцы ў Белагрудскай парафіі як уласнасць Пацаў^[2].

Пасля трэцяга падзелу Рэчы Паспалітай (1795) вёска ў Расійскай імперыі. У 1915 годзе акупавана Германіяй, з 1921 года ў складзе Польшчы, з 1939 года — у БССР. З канца чэрвеня 1941 года да пачатку ліпеня 1944 года пад нямецка-фашысцкай акупацыяй.

Да 26 чэрвеня 1965 года вёска ўваходзіла ў склад Белагрудскага сельсавета^[3], да 11 лютага 1972 года — у склад Мыцкага сельсавета^[4], да 1976 года — у склад Тарноўскага сельсавета^[5] (да 1974 года — Белагрудскі сельсавет), да 29 верасня 2005 года — у склад Ваверскага сельсавета^[6].