Ваверскі сельсавет

Ва́верскі сельсавет — адміністрацыйна-тэрытарыяльная адзінка ў складзе Лідскага раёна Гродзенскай вобласці. Цэнтр — аграгарадок (да 2009 г. вёска) Ваверка.

Ваверскі сельсавет
Краіна	Беларусь
Уваходзіць у	Лідскі раён
Уключае	28 населеных пунктаў
Адміністрацыйны цэнтр	Ваверка
Дата ўтварэння	12 кастрычніка 1940
Насельніцтва (2019)	1 400
Часавы пояс	UTC+03:00
Код аўтам. нумароў	4

Утвораны 12 кастрычніка 1940 года ў складзе Лідскага раёна Баранавіцкай вобласці БССР. З 20 верасня 1944 года ў складзе Гродзенскай вобласці. 16 ліпеня 1954 года да сельсавета далучана тэрыторыя скасаванага Мейраўскага сельсавета^[1]. У 1976 годзе ў склад сельсавета з Тарноўскага сельсавета перададзены 7 населеных пунктаў (вёскі Бабоўцы, Кадзішкі, Касілаўцы, Мыто, Навасёлкі, Падальхоўка і Янаўляны)^[2]. 16 сакавіка 1987 года скасавана вёска Багданаўшчына (злілася з вёскай Альхоўка)^[3]. 29 верасня 2005 года ў склад Тарноўскага сельсавета перададзена вёска Бабоўцы^[4].

Насельніцтва сельсавета паводле перапісу 2009 года — 1811 чалавек^[5], з іх 74,9 % — палякі, 19,8 % — беларусы, 4,7 % — рускія^[6]; паводле перапісу 2019 года — 1400 чалавек^[7].