Барэйкаўшчына (Літва)

Барэйкаўшчына^[1][2], таксама Барэ́йкішкес (літ.: Bareĩkiškės)— вёска ў Віленскім раёне Віленскага павета Літвы, уваходзіць у склад Рукойненскай сянюніі. Месціцца на трасе Вільня — Мінск за 14 км ад Вільні.

Вёска Барэйкаўшчына літ.: Bareikiškės Музей Уладзіслава Сыракомлі Краіна  Літва Павет Віленскі Раён Віленскі Сянюнія Рукойненская Каардынаты 54°36′46″ пн. ш. 25°27′39″ у. д.HGЯO Насельніцтва 62 чал. (2001) Часавы пояс UTC+2, летам UTC+3 Барэйкаўшчына на карце Літвы

Медыяфайлы на Вікісховішчы

Гісторыя

Ранняя гісторыя

Барэйкаўшчына на малюнку Фердынанда Рушчыца, 1912 г.

У пачатку XVI стагоддзя маёнтак належаў Казіміру Адамовічу^[3]. Пазней уласнасць Сапегаў^[4].

У выніку трэцяга падзелу Рэчы Паспалітай 1795 года Барэйкаўшчына апынулася ў складзе Расійскай імперыі, у Віленскім павеце. У ХІХ стагоддзі гэта быў невялікі хутар, з 1830 года належаў графу Бенедыкту Тышкевічу. Вёска прынамсі да канца ХІХ стагоддзя адносілася да маёнтка Чорнае^[5] роду Тышкевічаў гербу Ляліва немежанскага ключа^[6]. У сярэдзіне ХІХ стагоддзя сядзіба была ў распараджэнні кухара Тышкевічаў^[4].

З 23 красавіка 1853 года і да сваёй смерці ў 1862 годзе маёнтак арандаваў Уладзіслаў Сыракомля^[7]. Па смерці Сыракомлі маёнтак арандавалі Наркевічы. У часы Сыракомлі маёнтак меў 2,5 валокі зямлі і лугоў і 2 прыгонных. У 1909 годзе – 5 валок^[6].

За часамі Першай сусветнай вайны з 1915 года тэрыторыя акупаваная войскамі Германскай імперыі.

• Барэйкаўшчына на старых выявах
• 
  Сядзіба, 1868 г.
• 
  Сядзіба, 1907 г.
• 
  Сядзіба, пачатак XX ст.
• 
  Стол Сыракомлі, 1897 г.

Найноўшы час

25 сакавіка 1918 года згодна з Трэцяй Устаўной граматай тэрыторыя абвешчана часткай Беларускай Народнай Рэспублікі^[8]. У пачатку 1919 года тэрыторыя занята Чырвонай Арміяй^[9]. З 27 лютага 1919 года — у ЛітБел ССР, у канцы сакавіка заняты польскімі войскамі.

У 1920 годзе Барэйкаўшчына апынулася ў Сярэдняй Літве, з 1922 года ў складзе Польшчы. У беларускай гістарыяграфіі землі вядомыя як Заходняя Беларусь.

У другой палове верасня 1939 года Барэйкаўшчына занята Чырвонай Арміяй, 10 кастрычніка 1939 года паводле дагавора з СССР тэрыторыя Віленскай вобласці перададзена Літве. З 1940 года ў Літоўскай ССР.

У Другую сусветную вайну з чэрвеня 1941 года да ліпеня 1944 года пад акупацыяй Германіі.

З 1990 года ў складзе адноўленай незалежнай Літвы.

• Барэйкаўшчына на здымках Яна Булгака
• 
  1930 г.
• 
  1930 г.
• 
  1930 г.
• 
  1938 г.

Насельніцтва

Дынаміка насельніцтва з 1905 па 2021
1905[10]	1931[11]	1959пер.[12]	1970пер.[13]	1979пер.[14]
106	124	127	81	85
1984[15]	1989пер.[16]	2001пер.[17]	2011пер.[18]	2021[19]
69	54	62	78	89
Гістаграма дынамікі насельніцтва

Славутасці

• Сядзіба
• Помнік Уладзіславу Сыракомлю

Вядомыя асобы

Помнік Уладзіславу Сыракомлю

• Уладзіслаў Сыракомля жыў тут з 1853 года. У вёсцы дзейнічае бібліятэка-музей Уладзіслава Сыракомлі.