Белае (возера, Астравецкі раён)

У паняцця ёсць і іншыя значэнні, гл. Возера Белае.

Бе́лае — возера ў Астравецкім раёне Гродзенскай вобласці. Знаходзіцца за 34 км на паўночны ўсход ад горада Астравец, у кіламетры на ўсход ад вёскі Белая Вада. Належыць да Сарачанскай групы азёр.

Белае
Возера Белае
Морфаметрыя
Вышыня над узроўнем мора	131,6 м
Даўжыня	0,9 км
Шырыня	0,4 км
Плошча	0,34 км²
Найбольшая глыбіня	4 м
Басейн
Упадаюць	Сарачанка
Выцякаюць	Сарачанка
Размяшчэнне
Краіна	Беларусь
Белае
Медыяфайлы на Вікісховішчы

Возера знаходзіцца ў басейне ракі Сарачанка. Плошча Белага складае 0,34 км². Найбольшая глыбіня возера — 4 м. Даўжыня возера — 0,9 км, найбольшая шырыня — 0,4 км.

У паўночна-заходняй частцы возера злучана пратокай з возерам Клевел, у паўднёва-ўсходняй частцы — з возерам Туравейскае.

Берагі параслі лесам.

Водзяцца: шчупак, акунь, верхаводка, плотка, краснапёрка, ёрш звычайны, карась сярэбраны.

Літаратура

• Блакітная кніга Беларусі : Энцыклапедыя / рэдкал.: Н. А. Дзісько і інш. — Мн.: БелЭн, 1994. — 415 с. — 10 000 экз. — ISBN 5-85700-133-1.
• Атлас охотника и рыболова: Гродненская область. — Мн.: РУП «Белкартография», 2010.