Блакітніца лясная

Блакітніца лясная^[1] (лац.: Polyommatus (Cyaniris) semiargus) — від матылёў з сямейства блакітніцы.

Блакітніца лясная
Самец
Навуковая класіфікацыя
прамежныя рангі Дамен:  Эўкарыёты Царства:  Жывёлы Падцарства:  Эўметазоі Без рангу:  Двухбакова-сіметрычныя Без рангу:  Першаснаротыя Без рангу:  Ecdysozoa Без рангу:  Panarthropoda Тып:  Членістаногія Падтып:  Трахейнадыхальныя Надклас:  Шасціногія Клас:  Насякомыя Падклас:  Крылатыя насякомыя Інфраклас:  Навакрылыя насякомыя Надатрад:  Насякомыя з поўным метамарфозам Атрад:  Матылі Падатрад:  Glossata Надсямейства:  Papilionoidea Серыя:  Papilioniformes Сямейства:  Блакітніцы Падсямейства:  Polyommatinae Род:  Cyaniris Від:  Блакітніца лясная
Міжнародная навуковая назва
Cyaniris semiargus (Rottemburg, 1775)
Сінонімы
Papilio semiargus Rottemburg, 1775 Papilio acis Denis & Schiffermüller, 1775 (preocc. Drury, 1773) Cyaniris argianus Dalman, 1816 Cyaniris semiargus (Rottemburg, 1775) Lycaena semiargus (Rottemburg, 1775)
Выявы на Вікісховішчы NCBI   268702 EOL   261249

Этымалогія назвы

Semiargus (лацінская) — паўаргус, напалову падобны з Аргусам.

Пашырэнне

Самка

Арэал уключае ўмераны пояс Еўразіі на ўсход да Паўночнай Карэі, востраў Сахалін.

Звычайны на ўсёй тэрыторыі Усходняй Еўропы. Адсутнічае на крайнім поўдні стэпавай зоны Украіны, у Калмыкіі і ў Астраханскай вобласці Расіі.

Матылі засяляюць лугі розных тыпаў, паляны, ускрайкі лесу. У стэпавай зоне жыве пераважна ў далінах рэк і ў лясах. На Каўказе засяляе вільготныя горныя лугі сярэдняга пояса, узлескі, субальпійскія лугі, берагі ручаёў, на вышынях ад 600 да 2700 м над узроўнем мора.

Біялогія

За год развіваецца ў адным пакаленні. Час лёту з канца мая па канец жніўня ў лясной зоне, і з пачатку мая да канца ліпеня на тэрыторыі лесастэпавай і стэпавай зоны.

Самкі адкладаюць яйцы паштучна на кветкі кармавых раслін вусеняў: розныя віды канюшыны, вязель рознакаляровы, баркун лекавы, гарошак мышыны, баркун. Яйцы белыя з зеленаватым адценнем. Стадыя яйца доўжыцца каля 5 дзён. Вусені спачатку з ліпеня да восені сілкуюцца ў дзённы час кветкамі і насеннем, а пасля зімоўкі — лісцем. З’яўляюцца мірмекафіламі і наведваюцца мурашкамі роду Lasius. Зімуе вусень ранняга ўзросту. Вусені старэйшых узростаў цёмна-зялёныя з больш цёмнай спінной палоскай, бялёсай паласой над нагамі і радамі светлых касых рысак па баках^[2]. Пры дасягненні даўжыні 13-15 мм вусені спыняюць харчавацца і праз 2-3 дні акукліваюцца. Кукалка падоўжанай формы, бліскучая, салатна-зялёнага колеру, з цёмнай спінной паласой. Даўжыня кукалкі 9-10 мм.

• 
  Cyaniris semiargus ♂
• 
  Cyaniris semiargus ♂ △