Жыдыкі

Жыдыкі^[2], таксама Жыдзі́кай^[3] (літ.: Židikai, жам. Žėdėkā)— мястэчка ў Мажэйкаўскім раёне Цельшаўскага павета Літвы. Цэнтр Жыдыкаўскай сянюніі. Месцяцца за 21 км на захад ад горада Мажэйкі. За 4 км паўночны захад ад Жыдыкаў выток ракі Лосіс.

Мястэчка Жыдыкі літ.: Židikai Герб Краіна  Літва Павет Цяльшэйскі Раён Мажэйкейскі Сянюнія Жыдзікайская Каардынаты 56°19′15″ пн. ш. 22°00′44″ у. д.HGЯO Вышыня цэнтра 116 м Насельніцтва ▼440 чал. (1 сакавіка 2011)[1] Часавы пояс UTC+2, летам UTC+3 Жыдыкі на карце Літвы

Медыяфайлы на Вікісховішчы

Гісторыя

Заснаваны ў 1568 годзе (ст.-бел.: Жидыки^[2]), маёнтак у Цельшаўскім павеце. Належалі езуітам, па скасаванні ордэна ўласнасць камісіі эдукацыйнай, з 1781 года ўласнасць Антонія Гелгуды^[4].

У выніку трэцяга падзелу Рэчы Паспалітай 1795 года Жыдыкі апынуліся ў складзе Расійскай імперыі. У другой палове XIX стагоддзя былі аднайменныя мястэчка і маёнтак у Цельшаўскім павеце, цэнтр Жыдыкаўскай воласці. У 1859 годзе было 15 дамоў, 155 жыхароў^[4]. У мястэчку быў парафіяльны каталіцкі касцёл, каталіцкая капліца, сінагога, жыдоўскі малітоўны дом, валасное праўленне, дом прытулку, народная школа, 14 крам, 3 дробныя гарбарні. Уклада-заліковае таварыства заснавана ў 1879 годзе. Маёнтак уласнасці Пуслоўскіх^[4].

З 1918 года ў складзе Літвы.

Вядомыя асобы

У мястэчку жыла і памерла літоўская пісьменніца Шатрыёс Рагана (Марыя Пячкаўскайце).

Галерэя

• 
  Дом, у якім жыла пісьменніца Шатрыёс Рагана
• 
  Касцёл
• 
  Капліца
• 
  Каплічка
• 
  Помнік незалежнасці Літвы (1928 г.) разбураны падчас савецкай акупацыі, адноўлены ў 1990 годзе.