Казлы (Вілейскі раён)

У паняцця ёсць і іншыя значэнні, гл. Казлы.

Казлы́^[1] (трансліт.: Kazly, руск.: Козлы) — вёска ў Вілейскім раёне Мінскай вобласці. Уваходзіць у склад Ільянскага сельсавета.

Вёска Казлы Краіна Беларусь Вобласць Мінская Раён Вілейскі Сельсавет Ільянскі Каардынаты 54°21′59″ пн. ш. 27°16′33″ у. д.HGЯO Насельніцтва ▼74 чал. (2009) Часавы пояс UTC+3 Тэлефонны код +375 1771 Паштовыя індэксы 222431 Аўтамабільны код 5 СААТА 6213827071 Казлы Казлы Казлы

Казлы на Вікісховішчы

Геаграфія

Знаходзіцца за 30 км на паўднёвы ўсход ад Вілейкі, 84 км ад Мінска, 23 км ад чыг. ст. Уша на лініі Мінск—Маладзечна.

Гісторыя

У 1794 г. вёска ў Ашмянскім павеце, у складзе маёнтка Ілья, маёмасць падскарбія ВКЛ Міхаіла Клеафаса Агінскага; канфіскавана ў казну. У 1800 г. ў Вілейскім павеце Мінскай губерні Расійскай імперыі, уласнасць генерал-аншэфа М. Салтыкова; у 1828 г. ў маёнтку Асцюковічы І. Тукалы, 64 душы. У пач. XX ст. вёска ў Хаценчыцкай воласці Вілейскага павета Віленскай губерні, 318 жыхароў, 483 дзесяцін зямлі; школа граматы.

З 1921 года вёска ў складзе Польскай Рэспублікі. У 1938 г. у гміне Хаценчыцы Вілейскага павета Віленскага ваяводства^[2].

З лістапада 1939 года ў БССР, з 15.1.1940 г. ў Ільянскім раёне Вілейскай вобласці, з 12.10.1940 г. ў Шыпкаўскім сельсавеце. У Вялікую Айчынную вайну з 25.6.1941 г. да 3.7.1944 г. акупіраваны нацыстамі. З фронту не вярнуліся 14 жыхароў. З 20.9.1944 г. ў Ільянскім, з 20.7.1957 г. ў Вілейскім раёнах Маладзечанскай вобласці. 29.7.1950 г. створаны калгас «Герой працы». З 16.7.1954 г. ў складзе Ільянскага сельсавета, з 20.1.1960 г. ў Мінскай вобласці.

Насельніцтва

• 1800 год — 181 жыхар, 22 двары.
• 1866 год — 251 жыхар, 24 двары^[3].
• 1921 год — 398 жыхароў, 69 двароў^[4].
• 1931 год — 436 жыхароў, 78 двароў^[5].
• 1960 год — 344 жыхары.
• 2008 год — 84 жыхары, 50 гаспадарак.

Славутасці

Агаленне Вінцантова

• Агаленне «Вінцантова», 1,5 км на захад, у пясочным кар’еры.
• За 1,5 км на ўсход ад вёскі, ва ўрочышчы Куксіна археалагічны помнік — гарадзішча.
• Капліца Святых апосталаў Пятра і Паўла.

Зноскі

1. Назвы населеных пунктаў Рэспублікі Беларусь: Мінская вобласць: нарматыўны даведнік / І. А. Гапоненка, І. Л. Капылоў, В. П. Лемцюгова і інш.; пад рэд. В. П. Лемцюговай. — Мн.: Тэхналогія, 2003. — 604 с. ISBN 985-458-054-7. (DJVU)
2. Wykaz miejscowości Rzeczypospolitej Polskiej, Warszawa 1938, wolumin — 1, s. 6.
3. http://dir.icm.edu.pl/pl/Slownik_geograficzny/Tom_IV/568
4. Skorowidz miejscowości Rzeczypospolitej Polskiej — Tom VII — Część II — Ziemia Wileńska — Powiaty: Brasław, Duniłowicze, Brasław i Wilejka, Główny Urząd Statystyczny Rzeczypospolitej Polskiej, Warszawa 1923, s 78.
5. Wykaz miejscowości Rzeczypospolitej Polskiej, Warszawa 1938, wolumin — 1, s. 57