Віктар Уладзіміравіч Пржыялкоўскі

Віктар Уладзіміравіч Пржыялко́ўскі^[3][4] (2 сакавіка 1930 — 23 жніўня 2016) — вучоны ў галіне вылічальнай тэхнікі, доктар тэхнічных навук (1984), прафесар (1984), Герой Сацыялістычнай Працы (1983).

Віктар Уладзіміравіч Пржыялкоўскі
Дата нараджэння	2 сакавіка 1930(1930-03-02)[1]
Месца нараджэння	Серпухаў, Серпухаўскі раён[d], Серпухаўская акруга[d], Маскоўская вобласць, РСФСР, СССР[1]
Дата смерці	23 жніўня 2016(2016-08-23) (86 гадоў)
Месца смерці	Масква, Расія
Месца пахавання	Траякураўскія могілкі
Грамадзянства	СССР  Расія
Род дзейнасці	спецыяліст у галіне інфарматыкі
Месца працы	Навукова-даследчы цэнтр электроннай вылічальнай тэхнікі[d][1] Навукова-даследчы цэнтр электроннай вылічальнай тэхнікі[d][2] Навукова-даследчы цэнтр электроннай вылічальнай тэхнікі[d][2] НДІЭВМ
Навуковая ступень	доктар тэхнічных навук[2]
Навуковае званне	прафесар[d] (1985)[2]
Альма-матар	Маскоўскі энергетычны інстытут (1953)[1]
Прэміі
Узнагароды

Біяграфія

Нарадзіўся ў горадзе Серпухаў (Маскоўская вобласць). У 1953 годзе скончыў факультэт электравакуумнай тэхнікі і спецыяльнага прыборабудавання Маскоўскага энергетычнага інстытута. Працаваў у Пензенскім філіяле СКБ-245 на заводзе лічыльна-аналітычных машын, займаў пасады майстра, інжынера, старшага інжынера, начальніка лабараторыі, галоўнага канструктара спецыялізаванай электронна-вылічальнай машыны «Граніт»^[5]. З 1956 года ў Нагінску — старшы інжынер, вядучы інжынер у вайсковай частцы № 06669 Маскоўскай ваеннай акругі, дзе прымаў удзел у распрацоўцы паўправадніковай ЭВМ.

Са жніўня 1959 па ліпень 1971 года працаваў у Мінску ў Спецыяльным канструктарскім бюро Завода вылічальных машын імя С. Арджанікідзэ. Займаў пасады начальніка лабараторыі, начальніка аддзела, з 1964 года — галоўны інжынер СКБ, потым намеснік дырэктара па навуковай рабоце—галоўны інжынер філіяла Навукова-даследчага цэнтра электроннай вылічальнай тэхнікі (НДЦЭВТ).

З 1971 года В. У. Пржыялкоўскі ў Маскве на пасадзе намесніка дырэктара па навуковай рабоце—галоўнага інжынера НДЦЭВТ, з 1977 года дырэктар цэнтра і адначасова намеснік Генеральнага канструктара, з 1977 года Генеральны канструктар Адзінай сістэмы ЭВМ (ЕС ЭВМ). З 1986 года на пасадзе генеральнага дырэктара навукова-вытворчага аб’яднання «Персей» — дырэктар НДЦЭВТ, з 1990 года — Галоўны канструктар — навукова-тэхнічны кіраўнік НДЦЭВТ, з 1994 — галоўны навуковы супрацоўнік, начальнік лабараторыі ААТ «НИЦЭВТ»^[5].

Памёр 23 жніўня 2016 года, пахаваны ў Маскве на Траякураўскіх могілках^[5].

Навуковая дзейнасць

В. У. Пржыялкоўскі прымаў непасрэдны ўдзел і ў якасці Генеральнага канструктара кіраваў распрацоўкай ЭВМ «Минск-2» (1962), «Минск-23» (1966), «Минск-32» (1968), «ЕС-1020», быў галоўным канструктарам БЦВМ комплекса «Аргон». У час яго кіраўніцтва НДЦЭВТ былі распрацаваны бартавыя вылічальныя машыны А-17, А-40, Ц-100 інш.^[5]

Сярод публікацый вучонага:

• Электронная вычислительная машина «Минск-32». — М., 1972 (разам з В. Я. Пыхціным і Г. Дз. Смірновым);
• Электронная вычислительная машина ЕС-1020. М., 1975 (у саўтарстве);
• Технические и прогаммные средства Единой системы ЭВМ (ЕС ЭВМ-2). М., 1980 (разам з Ю. С. Ломавым).

Узнагароды

• Медаль «Серп і Молат» (1983)
• Ордэн Леніна (1983)
• Ордэн Кастрычніцкай Рэвалюцыі (1977)
• Ордэн Працоўнага Чырвонага Сцяга (1971)
• Медаль «За працоўную адзнаку» (1966) і інш.
• Дзяржаўная прэмія СССР 1970 года

Зноскі

1. Страницы истории отечественных ИТ. Том 2 // Страницы истории отечественных ИТ — М.: Альпина Паблишер, 2016. — Т. 2. — С. 103. — 234 с. — ISBN 978-5-9614-5218-1

   <a href='https://wikidata.org/wiki/Track:Q136351778'></a><a href='https://wikidata.org/wiki/Track:Q136400721'></a><a href='https://wikidata.org/wiki/Track:Q4063549'></a>
2. Страницы истории отечественных ИТ. Том 2 // Страницы истории отечественных ИТ — М.: Альпина Паблишер, 2016. — Т. 2. — С. 104. — 234 с. — ISBN 978-5-9614-5218-1

   <a href='https://wikidata.org/wiki/Track:Q136351778'></a><a href='https://wikidata.org/wiki/Track:Q136400721'></a><a href='https://wikidata.org/wiki/Track:Q4063549'></a>
3. Беларуская энцыклапедыя: У 18 т. Т. 13: Праміле — Рэлаксін / Рэдкал.: Г. П. Пашкоў і інш. — Мн. : БелЭн, 2001. — Т. 13.
4. Беларусь у асобах і падзеях. Пржыялкоўскі Віктар Уладзіміравіч.
5. Пржиялковский Виктор Владимирович на сайце «Героі краіны»