Віктар Іванавіч Комар

Віктар Іванавіч Комар (5 мая 1932, г. Чугуеў, Харкаўская вобласць — 21 жніўня 1990) — беларускі архітэктар.

Віктар Іванавіч Комар
Дата нараджэння	5 мая 1932(1932-05-05)
Месца нараджэння	Чугуіў, Чугуіўскі раён, Харкаўская вобласць, УССР, СССР
Дата смерці	21 жніўня 1990(1990-08-21) (58 гадоў)
Месца смерці	Гомель, Гомельская вобласць, Беларуская ССР, СССР
Грамадзянства	Беларусь
Альма-матар	Новасібірскі інжынерна-будаўнічы інстытут імя В. У. Куйбышава (1957)
Месца працы	Кемераваграмадзянпраект[d] Гомельграмадзянпраект[d]
Партыя	КПСС
Член у	Саюз архітэктараў СССР Беларускі саюз архітэктараў
Узнагароды

У Вікіпедыі ёсць артыкулы пра іншых людзей з прозвішчам Комар.

Біяграфія

Скончыў у 1957 годзе Новасібірскі інжынерна-будаўнічы інстытут імя В. У. Куйбышава. 3 1958 года працаваў у праектных арганізацыях, у Кемераваграмадзянпраекце г. Навакузнецка Кемераўскай вобласці. 3 1969 года ў інстытуце «Гомельграмадзянпраект», у 1985—1988 галоўны архітэктар тэхнічнага аддзела^[1]. З 1988 года — дырэктар Гомельскага філіяла Усесаюзнага архітэктурна-праектнага аб’яднання^[2].

Член Саюза архітэктараў СССР з 1968 года. Член КПСС з 1963 года. Пражываў у Гомелі^[2].

Творчасць

Асноўныя працы ў Расіі: маладзёжнае кафэ «Юнацтва» (1963), мікрараён № 60-61-62 (1971) у Новакузнецку, база адпачынку «Медзведзяня» ў Междурэчанску Кемераўскай вобласці (1965)^[2].

Будынак Гомельскага абкама КПБ

Асноўныя работы (усе ў Гомелі): клуб Таварыства глуханямых (1977)^[2], будынак Гомельскага абкама КПБ (1978^[1], у сааўтарстве з Р. К. Ціхавым^[2]), сталовая ў комплексе будынкаў абкама і Дома палітасветы (1982, з Р. К. Ціхавым), дом адпачынку «Чонкі» (1983)^[2], маладзёжны культурны цэнтр раёна «Сельмаш» (1984), бальнічны комплекс завода «Сельмаш», спартыўныя комплексы ДАКа і ДСТ «Спартак», гараж аблвыканкама, 9-павярховыя жылыя дамы па вул. Быхаўскай, адміністрацыйны будынак па вул. Лангэ^[3], 12-павярховы жылы дом у мікрараёне № 51 (1988)^[1], 16-павярховы жылы дом з блокам абслугоўвання ў мікрараёне № 12а па Рэчыцкай шашы (1989)^[1][3], Палац культуры вытворчага аб’яднання «Гомсельмаш» на праспекце Касманаўтаў (1989), мемарыяльны сквер па вул. Білецкага (1987)^[1], праект забудовы квартала ў Чачэрску^[3].

Узнагароды

Узнагароджаны Ганаровай граматай Прэзідыума Вярхоўнага Савета БССР (1979), дыпломам Усесаюзнага агляду творчасці маладых архітэктараў (1963)^[2].

Зноскі

1. Комар Віктар Іванавіч // Архітэктура Беларусі: Энцыклапедычны даведнік / Беларус. Энцыкл.; Рэкал.: А. А. Воінаў і інш. — Мн.: БелЭн, 1993. — 620 с. — 10 000 экз. — ISBN 5-85700-078-5.
2. Комар Виктор Иванович // Архитекторы Советской Белоруссии: Биогр. справочник / Союз архитекторов БССР; Сост. В. И. Аникин и др. — Мн.: Беларусь, 1991. — 262 с. — ISBN 5-338-00611-1. (руск.)
3. Комар Виктор Иванович // Гомель — древний и современный. Архитектура и ее создатели : [монография] / И. Г. Малков, И. И. Малков ; М-во образования Респ. Беларусь, Белорус. гос. ун-т трансп.. — Гомель: БелГУТ, 2014. — 70 с. — ISBN 978-985-554-155-5.