Валянцін Мікалаевіч Гацілаў

Валянцін Мікалаевіч Гацілаў (13 сакавіка 1945, в. Гарэлаўка, Чарамісінаўскі раён, Курская вобласць) — беларускі архітэктар.

Валянцін Мікалаевіч Гацілаў
Дата нараджэння	13 сакавіка 1945(1945-03-13) (80 гадоў)
Месца нараджэння	Гарэлаўка[d], Русанаўскі сельсавет[d], Чарамісінаўскі раён[d], Курская вобласць, РСФСР, СССР
Грамадзянства	СССР
Альма-матар	Харкаўскі інжынерна-будаўнічы інстытут (1968)
Месца працы	Палтаўскі нацыянальны тэхнічны ўніверсітэт імя Юрыя Кандрацюка Мінскпраект БелНДІПгорадабудаўніцтва Белдзяржпраект
Член у	Саюз архітэктараў СССР Беларускі саюз архітэктараў

У Вікіпедыі ёсць артыкулы пра іншых людзей з прозвішчам Гацілаў.

Біяграфія

Скончыў Харкаўскі інжынерна-будаўнічы інстытут у 1968 годзе. Працаваў асістэнтам у Палтаўскім інжынерна-будаўнічым інстытуце, старшым архітэктарам, кіраўніком групы архітэктараў у Мінскпраекце, галоўным архітэктарам праектаў у БелНДІПгорадабудаўніцтва, з 1979 года — галоўны архітэктар праектаў у Белдзяржпраекце.

Член Саюза архітэктараў СССР з 1974 года. Пражывае ў г. Мінску.

Творчасць

Патолагаанатамічны корпус бальніцы хуткай дапамогі

Асноўныя працы: прафілакторый завода «Оптык» у Лідзе (1981), патолагаанатамічны корпус бальніцы хуткай дапамогі па Слуцкай шашы (цяпер вул. Кіжаватава, 58Б) ў Мінску (1974, у сааўтарстве з Н. Шпігельманам); у аўтарскім калектыве: 9-павярховыя буйнапанэльныя жылыя дамы па праспекце Пушкіна ў Мінску (1977), серыі тыпавых праектаў блок-секцый для Магілёўскага (1980—1982) і Бабруйскага (1981) ДБК, 12-павярховы жылы дом з крамай «1000 дробязяў» у мікрараёне № 1 (1984) і забудова мікрараёна № 5 па Віцебскім праспекце у Магілёве, забудова мікрараёна № 31 у Смаргоні (1987).

Літаратура

• Гатилов Валентин Николаевич // Архитекторы Советской Белоруссии: Биогр. справочник / Союз архитекторов БССР; Сост. В. И. Аникин и др. — Мн.: Беларусь, 1991. — 262 с. — ISBN 5-338-00611-1. (руск.)