Ганчыцы

Га́нчыцы^[1] (трансліт.: Hančycy, руск.: Ганчицы, польск.: Hańczyce) — вёска ў Валожынскім раёне Мінскай вобласці. Уваходзіць у склад Валожынскага сельсавета.

Вёска Ганчыцы Краіна Беларусь Вобласць Мінская Раён Валожынскі Сельсавет Валожынскі Каардынаты 54°09′22″ пн. ш. 26°38′27″ у. д.HGЯO Ранейшыя назвы Ганьчыцы Насельніцтва ▼49 чал. (2009) Канфесійны склад праваслаўныя, католікі, пратэстанты Часавы пояс UTC+3 Тэлефонны код +375 1772 Аўтамабільны код 5 СААТА 6220817037 Ганчыцы Ганчыцы Ганчыцы

Гісторыя

У час Расійскай імперыі вёска ў складзе Валожынскай воласці Ашмянскага павета Віленскай губерні.

З 1921 года, паводле Рыжскага мірнага дагавора, у складзе Польшчы, да 17 верасня 1939 года вёска гміны Валожын Валожынскага павета Навагрудскага ваяводства.

У 1923 годзе ў Ганчыцах адкрыта польская школа, настаўніцай была Зофія Лэныч-Белановіч. Але школа прапрацавала толькі год, потым вучні хадзілі ў школу суседняй вёскі Маршалкі.

Праз вёску ішоў брукаваны гасцінец (дарога) з Валожына да чыгуначнай станцыі ў Палачанах.

У 1939 годзе солтысам у Ганчыцах быў Уладзіслаў Рындзевіч. Траціна жыхароў была католікамі, астатнія  — праваслаўнымі і пратэстантамі. У вёсцы былі прозвішчы Пашкоўскі, Рындзевіч, Вяршыцкі, Рынкевіч, Мэнцюк, Зенька, Сенька, Сікорскі, Сакалоўскі, Лужынскі, Сак, Супрун (Супрон), Журкевіч, Божка, Лоўчы, Івашка, Рамановіч, Іванчык.

У 1935 годзе праведзена парцэляцыя, некаторыя жыхары пераехалі на хутар Карышкі.

Праваслаўныя жыхары адносяцца да Дубінскай парафіі (Свята-Георгіеўская царква), католікі — да Валожынскай парафіі (Касцёл святога Юзафа).

Да 28 мая 2013 года вёска ўваходзіла ў склад Узбалацкага сельсавета^[2].

Рэпрэсаваныя жыхары

• Станіслаў Матэвушавіч Рындзевіч
• Уладзімір (Уладзіслаў) Казіміравіч Рындзевіч
• Міхаіл Раманавіч Рамановіч

Зноскі

1. Назвы населеных пунктаў Рэспублікі Беларусь: Мінская вобласць: нарматыўны даведнік / І. А. Гапоненка, І. Л. Капылоў, В. П. Лемцюгова і інш.; пад рэд. В. П. Лемцюговай. — Мн.: Тэхналогія, 2003. — 604 с. ISBN 985-458-054-7. (DJVU)
2. «Об изменении административно-территориального устройства районов Минской области». Решение Минского областного Совета депутатов от 28 мая 2013 г. № 234 Архівавана 23 верасня 2013. (руск.)