Гарняты

Гарня́ты^[1] (трансліт.: Harniaty, руск.: Горняты) — вёска ў Лідскім раёне Гродзенскай вобласці. Уваходзіць у склад Тарноўскага сельсавета.

Вёска Гарняты Краіна Беларусь Вобласць Гродзенская Раён Лідскі Сельсавет Тарноўскі Каардынаты 53°48′02″ пн. ш. 25°10′42″ у. д.HGЯO Колькасць двароў 20 Насельніцтва 45 чалавек (2004) Часавы пояс UTC+3 Тэлефонны код 0154 Паштовы індэкс 231328 Аўтамабільны код 4 СААТА 4236852026 Гарняты Гарняты

Знаходзіцца за 13 км на паўднёвы захад ад Ліды.

Гісторыя

У цэнтры вёскі ёсць селішча другой паловы I тысячагоддзя н.э. і больш позняга часу. Плошча каля 0,5 га. Культурны пласт 0,2 м. Знойдзена ляпная і кругавая кераміка.

Вопіс парафій Лідскага дэканата 1784 года згадвае вёску Гарняты ў Белагрудскай парафіі як уласнасць князя Станіслава Радзівіла^[2].

Пасля трэцяга падзелу Рэчы Паспалітай (1795) вёска ў Расійскай імперыі. У пачатку XX стагоддзя вёска Тарноўскай воласці Лідскага павета, 201 жыхар, 241 дзесяціна зямлі.

У 1915 годзе акупавана Германіяй, з 1921 года ў складзе Польшчы. Паводле польскага перапісу насельніцтва 1921 года фальварак Тарноўскай гміны Лідскага павета.

З 1939 года ў БССР. З канца чэрвеня 1941 года да пачатку ліпеня 1944 года пад нямецка-фашысцкай акупацыяй.

Насельніцтва

• 1921 — 180 чал. (37 жылых пабудоў)
• 1996 — 50 чал. (30 двароў)
• 2004 — 45 чал. (20 двароў)

Зноскі

1. Назвы населеных пунктаў Рэспублікі Беларусь: Гродзенская вобласць: нарматыўны даведнік / І. А. Гапоненка і інш.; пад рэд. В. П. Лемцюговай. — Мн.: Тэхналогія, 2004. — 469 с. ISBN 985-458-098-9 (DJVU).
2. pawet.net