Гарошак чатырохнасенны

Гаро́шак чатырохнасенны^[1], Гарошак чатырохсемянны^[2] (Vicia tetrasperma) — від кветкавых раслін роду Гарошак (Vicia) сямейства Бабовыя (Fabaceae).

Гарошак чатырохнасенны
Навуковая класіфікацыя
прамежныя рангі Дамен:  Эўкарыёты Царства:  Расліны Аддзел:  Кветкавыя Клас:  Двухдольныя Парадак:  Бабовакветныя Сямейства:  Бабовыя Падсямейства:  Матыльковыя Трыба:  Бабовыя Род:  Гарошак Від:  Гарошак чатырохнасенны
Міжнародная навуковая назва
Vicia tetrasperma (L.) Schreb., 1771
Сінонімы
Ervum tenuissimum Pers. Ervum tetraspermum L. Vicia gemella Crantz Vicia tetrasperma (L.) Moench Vicia tetrasperma var. gracilis (Loisel.) Asch. & Graebn. Vicia tetrasperma var. tetrasperma
Сістэматыка на Віківідах Выявы на Вікісховішчы ITIS   26359 NCBI   154499 EOL   703234 GRIN   t:41583 IPNI   60016556-3 TPL   ild-7872

Апісанне

Батанічная ілюстрацыя Якаба Штурма з кнігі «Deutschlands Flora in Abbildungen», 1796

Аднагадовая травяністая расліна, 20—50 (60) см даўжынёй. Сцяблы паўзучыя, моцна галінаваныя, стройныя. Гронкі з 1—2 кветак, роўныя або карацей лісця; прылісткі 2—3 мм даўжынёй; лісце 2—4 см; лісточкі 2—6-парныя, даўгаватыя або лінейныя, 6—7 × ≈ 3 мм. Чашачка коса званочкападобная. Вяночак 3—5 мм даўжынёй, бледна-блакітны, бледна-фіялетавы, бледна-ружовы ці белы; боб даўгаваты, 8—12 × 2—4 мм, голы, з 4 пляската-сфероідным насеннем. 2n = 14^[3][4].

Распаўсюджанне

Распаўсюджаны ў Еўропе (уся, акрамя Ісландыі), ва ўмеранай і трапічнай Азіі (аж да Японіі) і Паўночнай Афрыцы; натуралізаваны ў некаторых іншых частках свету^[5][3][6]. Святлолюбівая расліна, мезафіт і мезатроф^[7].

Расце на лугах, узлесках і палянах, аблогах, у стэпах, хмызняках і пасевах, парках і садах, каля дарог. Пустазелле яравых збожжавых культур^[8]. Цвіце ў маі—ліпені^[1][8].

Галерэя

• 
  Агульны выгляд расліны
• 
  Сцябло з прылісткамі
• 
  Кветка
• 
  Плод

Зноскі

1. Энцыклапедыя прыроды Беларусі. У 5-і т. Т. 1. Ааліты — Гасцінец / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1983. — 575 с., іл. — 10 000 экз.
2. Киселевский А. И. Латино-русско-белорусский ботанический словарь. — Мн.: «Наука и техника», 1967. — С. 141. — 160 с. — 2 350 экз.
3. Plants of the World online (нявызн.). (англ.)
4. Flora of China (нявызн.). (англ.)
5. The Euro+Med PlantBase (нявызн.). (англ.)
6. U.S. National Plant Germplasm System npgsweb.ars-grin.gov (нявызн.). (англ.)
7. Горошек четырёхсемянный: інфармацыя пра таксон у праекце «Плантариум» (вызначальнік раслін і ілюстраваны атлас відаў). (руск.)
8. Агроэкологический атлас России и сопредельных стран: экономически значимые растения, их болезни, вредители и сорные растения (руск.)