Гарынь

Гары́нь (укр.: Горинь) — рака ва Украіне і Брэсцкай вобласці Беларусі, правы прыток Прыпяці. Даўжыня ракі складае 659 км, у межах Беларусі — 82 км. Вадазбор — 27,7 тыс. км², у межах Беларусі — 1,2 тыс. км². Сярэднегадавы расход вады ў вусці дасягае 110 м³/с.

Гарынь
укр. Горинь
Характарыстыка
Даўжыня	659 км
Басейн	27 700 км²
Расход вады	110 м³/с (у вусці)
Вадацёк
Выток	Волыця і Крэмэнэцкі раён
• Месцазнаходжанне	с. Волыця (Крэмэнэцкі раён)
• Вышыня	345 м
• Каардынаты	49°53′20″ пн. ш. 25°29′15″ у. д.HGЯO
Вусце	Прыпяць
• Месцазнаходжанне	Давыд-Гарадок
• Каардынаты	52°08′37″ пн. ш. 27°16′57″ у. д.HGЯO
Ухіл ракі	0,1 (на тэрыторыі Беларусі) м/км
Размяшчэнне
Водная сістэма	Дняпро
Украіна	Цярнопальская вобласць, Хмяльніцкая вобласць, Ровенская вобласць
Беларусь	Брэсцкая вобласць
Краіны	Украіна  Беларусь
Гарынь на карце
выток вусце
Медыяфайлы на Вікісховішчы

Агульнае

Пачынаецца ў Цярнопальскай вобласці Украіны на Крамянецкім узвышшы, цячэ ў межах Падольскага і Валынскага ўзвышшаў, ніжняе цячэнне — на Палескай нізіне, на Беларусі — у Столінскім раёне. На поўнач ад Роўна рака паварочвае на захад, агінаючы крышталічны масіў. Упадае ў Прыпяць двума рукавамі (левы называецца Вятліца) у слаба асвоенай і незаселенай мясцовасці.

Даліна ракі трапецападобная з высокімі і стромкімі берагамі, на тэрыторыі Беларусі невыразная, дасягае шырыні 2,5 км. Пойма двухбаковая, шырыня ў верхнім цячэнні 0,1—0,7 км, сярэднім 1—1,5 км, у ніжнім да 2,5 км. У ніжняй плыні цячэ праз Пінскія балоты. Сярэдні нахіл воднай паверхні на тэрыторыі Беларусі — 0,1 ‰.

Рэчышча звілістае, шырыня яго ў ніжнім цячэнні вагаецца ў межах 150—200 м.

Асноўныя прытокі: справа — Случ, злева — Стубла, Вілія.

На рацэ

Гарады: Ізяслаў, Славута, Нэтэшын, Астрог, Дубровіца, Столін, Давыд-Гарадок.

Пасёлкі: Гошча, Оржыў, Стэпань, Рэчыца.

Галерэя

• 
  Гарынь на паштоўцы 1910 г.
• 
  Гарынь каля сяла Бадакы (Украіна)
• 
  Гарынь ля сяла Мыслятын (Украіна)
• 
  Паром праз Гарынь у Смародску
• 
  Гарынь узімку ў Смародску
• 
  Гарынь улетку каля Ізяслава
• 
  Чыгуначны мост праз Гарынь у Рэчыцы

Літаратура

• Ресурсы поверхностных вод СССР. Описание рек и озёр и расчёты основных характеристик их режима. Т. 5. Белоруссия и Верхнее Поднепровье. Ч. 1–2. – Л., 1971.
• Природа Белоруссии: Попул. энцикл. / БелСЭ; Редкол.: И. П. Шамякин (гл. ред.) и др. — Мн.: БелСЭ, 1986. — 599 с., 40 л. ил. (руск.)
• Блакітная кніга Беларусі : Энцыклапедыя / рэдкал.: Н. А. Дзісько і інш. — Мн.: БелЭн, 1994. — 415 с. — 10 000 экз. — ISBN 5-85700-133-1.
• Государственный водный кадастр: Водные ресурсы, их использование и качество вод (за 2004 год). — Мн.: Министерство природных ресурсов и охраны окружающей среды, 2005. — 135 с.|Від=Б}}
• Гидроэкологическое состояние бассейна Горыни в районе Хмельницкой АЭС / Под ред. В. К. Хильчевского — Киев: Ника-центр, 2011. — 176 с.