Цярнопальская вобласць

Цярно́пальская во́бласць (укр.: Терн́опільська о́бласть) — адміністрацыйна-тэрытарыяльная адзінка ва Украіне. Плошча вобласці складае 13,823 тыс. км². Насельніцтва — 1,035 млн чалавек (2021). Адміністрацыйны цэнтр — горад Цярнопаль.

Цярнопальская вобласць
Тернопільська область
Герб[d] Сцяг[d]
Краіна	Украіна
Уваходзіць у	Украіна (1991—?)
Адміністрацыйны цэнтр	Цярнопаль
Дата ўтварэння	4 снежня 1939
Афіцыйная мова	украінская
Насельніцтва (2021)	1,035 млн. (20-е месца)
Шчыльнасць	80,45 чал./км²
Плошча	13,823 тыс.
Вышыня над узроўнем мора  • Найвышэйшы пункт  • Самы нізкі пункт	443 м  116 м
Часавы пояс	UTC+2 і UTC+03:00
Код ISO 3166-2	UA-61
Тэлефонны код	35
Код аўтам. нумароў	ВО, НО, 20
Афіцыйны сайт
Медыяфайлы на Вікісховішчы

У гістарычна-этнаграфічным плане ахоплівае ўсходнюю частку Галіцыі, заходнюю частку Падолля і паўднёвую Валынь. У геаграфічным — размешчана на Падольскім узвышшы; паўднёвая мяжа Цярнопальскай вобласці праходзіць па рацэ Днестр, усходняя — па рацэ Збруч.

На тэрыторыі вобласці размешчана самая доўгая ў свеце карставая пячора Аптымістычная працягласцю 260 кіламетраў, а таксама адно з «Сем прыродных цудаў Украіны» — Днястроўскі каньён. Таксама Цярнопальшчына вядомая Пачаеўскай лаўрай, цудатворнай Іконай Божай Маці ў Зарваніцы і духоўным цэнтрам Зарваніцы. Па колькасці замкаў (34) Цярнопальшчына займае першае месца ва Украіне.

Плошча — 13 824 км² (2,29 % тэрыторыі Украіны), 1038923 жыхары (1 снежня 2020), у тым ліку 474992 чалавекі гарадскіх (44,18 %) і 599931 чалавек сельскіх (55,82 %). У вобласці 18 гарадоў, 17 пасёлкаў гарадскога тыпу, 1022 сельскія населеныя пункты, 3 раёны (да 17 ліпеня 2020 года — 17 раёнаў), 55 тэрытарыяльных грамад^[1] (да 12 чэрвеня 2020 года — 580 сельскіх саветаў). Нацыянальны склад насельніцтва, паводле перапісу 2001: украінцы — 97,8 %, рускія — 1,2 %, палякі — 0,3 %. ^[2]

Зноскі

1. Про визначення адміністративних центрів та затвердження територій територіальних громад Тернопільської області
2. Про кількість та склад населення України за підсумками Всеукраїнського перепису населення 2001 року [http://2001.ukrcensus.gov.ua/results/general/nationality/]