Герань малая

Герань малая, Геранія мяккая^[1][2] (Geranium pusillum) — від раслін сямейства Гераніевыя (Geraniaceae). Радзімай віду з’яўляецца паўночны Алжыр, Марока і Еўразія ад Партугаліі і Ірландыі да заходніх Гімалаяў.

Герань малая
Навуковая класіфікацыя
прамежныя рангі Дамен:  Эўкарыёты Царства:  Расліны Аддзел:  Кветкавыя Клас:  Двухдольныя Парадак:  Геранекветныя Сямейства:  Гераніевыя Род:  Герань Падрод:  Robertium Секцыя:  Batrachioidea Від:  Герань малая
Міжнародная навуковая назва
Geranium pusillum
Сістэматыка на Віківідах Выявы на Вікісховішчы ITIS   29115 NCBI   122182 EOL   130314 IPNI   60444752-2 TPL   kew-2823887

Апісанне

Аднагадовая травяністая расліна, 10-50 см вышынёй. Сцёблы прамыя або ляжачыя, не укараняюцца ў вузлах. Сцёблы, хвосцікі і кветаножкі з 0.1-0.3 мм незалозістымі трыхомамі і 0.1-0.2 мм залозістымі трыхомамі. Прылісткі ланцэтныя, выразныя. Лісце супраціўнае; ліставая пласцінка 1.5-3.8 см, валасістая з прыціснутымі незалозістымі трыхомамі. Суквецці двухкветныя; сцяблінка суквецця 0.5-3.2 см. Кветаножкі 0.6-1.6 см. Чашалісцікі 3-4.5 мм, звонку па 0.6-1 мм незалозістымі трыхомамі і 0.2-0.5 мм незалозістымі і залозістымі трыхомамі, усярэдзіне голыя. Пялёсткі бледна-фіялетавыя, 2-3 мм даўжынёй, абедзве паверхні голыя, палі пры аснаванні раснічастыя, вярхушка з 0.2-0.5 мм надрэзам; пылавікі пурпурныя, ≈ 0.3 мм. Плады 0.9-1.1 см, выпрастаныя, калі няспелыя; мерыкарпы гладкія, з да 0.2 мм прыціснутымі незалозістымі трыхомамі, аснова з некалькімі вейчыкамі, дзюба 7-9 мм, без звужанай вяршыні. Насенне 1.7-1.8 мм. 2n = 26^[2][3].

Распаўсюджанне

Радзімай віду з’яўляецца Паўночны Алжыр, Марока і Еўразія ад Партугаліі і Ірландыі да заходніх Гімалаяў; від натуралізаваны ў Аўстраліі і на некаторых ўмераных тэрыторыях Паўночнай і Паўднёвай Амерыкі^[4][5][6].

Ва Украіне расце на палях, у стэпах, ля дарог і ў зарасніках як пустазелле — на ўсёй тэрыторыі^[2].

Таксанамія

Від Герань малая ўваходзіць у род Герань (Geranium) сямейства Гераніевыя (Geraniaceae) парадку Геранекветныя (Geraniales).

ещё 4 семейства (згодна з Сістэмай APG II)

яшчэ больш 300 відаў

парадак Геранекветныя

род Герань

аддзел Кветкавыя, або Пакрытанасенныя

сямейства Гераніевыя

від Герань малая

яшчэ 44 парадкі кветкавых раслін (згодна з Сістэмай APG II)

яшчэ 4 рода

Галерэя

• 
  Лісце
• 
  Сцёблы кветкі з залозістымі валасінкамі ≈0.2 мм даўжынёй
• 
  Кветка
• 
  Суплодзе
• 
  Плод
• 
  Батанічная ілюстрацыя

Зноскі

1. Киселевский А. И. Латино-русско-белорусский ботанический словарь. — Мн.: «Наука и техника», 1967. — С. 59. — 160 с. — 2 350 экз.
2. Доброчаева Д. Н., Котов М. И., Прокудин Ю. Н., и др. Определитель высших растений Украины. — К.: Наукова думка, 1987. — С. 221. (руск.) (укр.)
3. efloras.org (нявызн.). (англ.)
4. bgbm.org (нявызн.). (англ.)
5. plantsoftheworldonline.org (нявызн.). (англ.)
6. npgsweb.ars-grin.gov (нявызн.). (англ.)