Грандзічы

Гра́ндзічы^[1] (трансліт.: Hrandzičy, руск.: Грандичи) — да 2008 года вёска ў Гродзенскім раёне Гродзенскай вобласці.

Вёска Грандзічы Касцёл у вёсцы Грандзічы Краіна Беларусь Вобласць Гродзенская Раён Гродзенскі Сельсавет Путрышкаўскі Каардынаты 53°44′11″ пн. ш. 23°49′12″ у. д.HGЯO Насельніцтва 1 193 чал. (1999) СААТА 4220880011 Грандзічы на карце Беларусі ±

Грандзічы на Вікісховішчы

Назва

З асновай Grand- старое балцкае прускае імя Grande. Ад літоўскага імя Grandas тапонім Grandai (паблізу сучаснай літоўска-польскай мяжы, за 80 км ад Грандзічаў)^{[крыніца?]} .

З тапонімаў, назвы якіх перагукаюцца са старапрускімі імёнамі (Glausote, Tidde, Glinde), — Глоўсевічы, Цідовічы,былыя Гліндзічы (цяпер у складзе Мацеевічаў)^{[крыніца?]}.

Геаграфія

Кар’ер на захад ад Грандзічаў.

На правым беразе ракі Нёман выдзяляецца Грандзіцкая гляцыядыслакацыя складзеная з мергельна-мелавых парод верхнега мелу, палеагенавых глаўканітава-кварцавых пяскоў і мергеляў, антрапагенавых водна-ледавіковых і ўласна ледавіковых (марэнных) адкладаў. Грандзіцкае радовішча мелу знаходзіцца за 0,7 км на захад ад былой вёскі паклад у выглядзе трох лінз-блокаў звязаны з ледавіковымі адкладамі сожскага зледзянення, радовішча распрацоўваецца^[2].

Гісторыя

Вядома з XVI стагоддзя.

У 1940—1987 гадах цэнтр Грандзіцкага сельсавета^[3]. Затым уваходзіла ў склад Путрышкаўскага сельсавета. 24 красавіка 2008 вёска была ўключана ў межы горада Гродна^[4].

Славутасці

• Касцёл Святога Роха — мураваны каталіцкі храм, узведзены ў 1910 годзе, помнік архітэктуры неаготыкі.

Вядомыя асобы

• Браніслаў Багатырэвіч (1870—1940) — беларуска-польскі ваенны.