Даўганожкі

Даўганожкі (Tipulidae) — сямейства насякомых падатрада даўгавусых двухкрылых.

Даўганожкі
Даўганожка балотная (Tipula paludosa)
Навуковая класіфікацыя
прамежныя рангі Дамен:  Эўкарыёты Царства:  Жывёлы Падцарства:  Эўметазоі Без рангу:  Двухбакова-сіметрычныя Без рангу:  Першаснаротыя Без рангу:  Ecdysozoa Без рангу:  Panarthropoda Тып:  Членістаногія Падтып:  Трахейнадыхальныя Надклас:  Шасціногія Клас:  Насякомыя Падклас:  Крылатыя насякомыя Інфраклас:  Навакрылыя насякомыя Без рангу:  Antliophora Атрад:  Двухкрылыя Падатрад:  Даўгавусыя Інфраатрад:  Tipulomorpha Надсямейства:  Tipuloidea Сямейства:  Даўганожкі
Міжнародная навуковая назва
Tipulidae Latreille, 1802
Сістэматыка на Віківідах Выявы на Вікісховішчы ITIS   118840 NCBI   41042 EOL   514 FW   72089

Апісанне

Насякомыя (даўжыня 8–40 мм) з падоўжаным целам, жоўтыя, карычневыя, шэрыя. Галава невялікая, ногі непрапарцыянальна доўгія, тонкія, лёгка абломваюцца. Крылы веслападобныя, аднакаляровыя, мармуровыя або з падоўжанымі палосамі (у самак часам рудыментарныя).

Лічынкі шэрыя ці бурыя, бязногія.

Пашырэнне

Пашыраны ўсясветна, налічваецца больш за 4000 відаў. На Беларусі ў вільготных лясах, на балотах і лугах найбольш трапляецца даўганожка балотная (Tipula paludosa).

Асаблівасці біялогіі

За год 1-2 пакаленні. Лічынкі развіваюцца ў перагноі, гнілой драўніне, грыбах, у глеі прэсных вадаёмаў. Кормяцца гнілымі расліннымі рэшткамі, каранямі раслін, водарасцямі, імхамі; шкодзяць пладовым і агароднінным культурам. Зімуюць у глебе лічынкі або яйцы.

Літаратура

• Э. І. Хацько. Даўганожкі // Энцыклапедыя прыроды Беларусі. У 5-і т. Т. 2. Гатня — Катынь / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1983. — 522 с. — 10 000 экз.