Дзяржынава (хутар)

У паняцця ёсць і іншыя значэнні, гл. Дзяржынава (значэнні).

Дзяржы́нава^[2] (руск.: Дзержиново) — былы хутар у Стаўбцоўскім раёне Мінскай вобласці Беларусі. У складзе Літвенскага сельсавета.

Хутар Дзяржынава Краіна Беларусь Вобласць Мінская Раён Стаўбцоўскі Сельсавет Літвенскі Каардынаты 53°50′10″ пн. ш. 26°32′32″ у. д.HGЯO Насельніцтва 15 чал. (1904)[1] Дзяржынава Дзяржынава

Геаграфія

За 56 км на поўнач ад Стоўбцаў, за 80 км на захад ад Мінска. Бліжэйшыя паселішчы Пятрылавічы, Пятрова і іншыя. Побач цячэ рака Уса.

Гісторыя

Сядзібны дом Дзяржынскіх. Фота да 1939 года.

Спачатку родавы маёнтак Азямблоўскіх і называўся Азямблова. Пасля назва змянілася на Дзяржынава ад прозвішча новых уладальнікаў Дзяржынскіх.

Сядзібны дом з надворнымі пабудовамі ўзведзены ў 1870-я гады.

У 1904 годзе Азямблова (Оземблово), маёнтак Дзяржынскага ў Налібоцкай воласці Ашмянскага павета Віленскай губерні Расійскай імперыі^[3], 15 жыхароў, на рацэ Усе.

У гады Вялікай Айчыннай вайны сядзіба знішчана нямецкімі акупантамі. У 2004 годзе адноўлена як дом-музей Дзяржынава^[4] — мемарыял Фелікса Дзяржынскага, месца яго дзяцінства.

Насельніцтва

• 1904 год — 15 жыхароў^[3]

Славутасці

Адноўлены ў 2004 годзе сядзібны дом Дзяржынскіх і бюст Фелікса Дзяржынскага на пярэднім плане, цяпер часткі мемарыяльнага комплексу.

• Мемарыяльны комплекс «Дзяржынава» (канец XIX ст., адноўлены ў 2004)^[4], за 4 км ад Пятрылавіч —  Гісторыка-культурная каштоўнасць Беларусі, шыфр 613Д000612шыфр 613Д000612.
• Бюст Фелікса Дзяржынскага (1977) —  Гісторыка-культурная каштоўнасць Беларусі, шыфр 612Ж000613шыфр 612Ж000613.