Дрыжнік

Дры́жнік^[1][2] (Briza) — род кветкавых раслін сямейства Метлюжковыя (Poaceae).

Дрыжнік
Навуковая класіфікацыя
прамежныя рангі Дамен:  Эўкарыёты Царства:  Расліны Аддзел:  Кветкавыя Клас:  Аднадольныя Парадак:  Метлюжкакветныя Сямейства:  Метлюжковыя Падсямейства:  Pooideae Трыба:  Poeae Падтрыба:  Brizinae Род:  Дрыжнік
Міжнародная навуковая назва
Briza L. (1753)
Сістэматыка на Віківідах Выявы на Вікісховішчы ITIS   41528 NCBI   15369 EOL   108033 IPNI   17627-1

Батанічнае апісанне

Аднагадовыя і шматгадовыя травяністыя расліны з кароткімі падземнымі паўзучымі парасткамі або без іх. Сцёблы прамастойныя, простыя або галінастыя ад асновы. Лісце чаргаванае, сядзячае, лінейнае, шырынёй 2—8 см, з гладкім краем. Кветкі ў каласках, утвараючых мяцёльчатае суквецце. Плод — сухая зярняўка.

Распаўсюджанне

Расліны роду пашыраны ў Еўропе, Пярэдняй Азіі, Паўночнай Афрыцы, асабліва ў Міжземнамор’і^[1].

Віды

Род налічвае каля 10 (22^[3]) відаў. Сярод іх:

• Briza ambigua Hack.
• Briza brasiliensis (Nees) Ekman
• Briza itatiaiae Ekman
• Briza maxima L. — Дрыжнік вялікі
• Briza media L. — Дрыжнік сярэдні, ці Балотная мятліца, ці Мятлічка, ці Палявыя канапелькі, ці Слёзкі, ці Падзішачкі, ці Здрыжнік, ці Кокушкіны слёзы, ці Божыя слёзкі, ці Клапкі
• Briza minor L.
• Briza subaristata Lam.

Гаспадарчае значэнне

Кармавыя, дэкаратыўныя расліны. У медыцынскіх мэтах — мачагонныя, сардэчныя, супрацьзапаленчыя сродкі^[1].

Зноскі

1. Беларуская энцыклапедыя: У 18 т. Т. 6: Дадаізм — Застава / Рэдкал.: Г. П. Пашкоў і інш. — Мн. : БелЭн, 1998. — Т. 6.
2. Киселевский А. И. Латино-русско-белорусский ботанический словарь. — Мн.: «Наука и техника», 1967. — С. 25. — 160 с. — 2 350 экз.
3. Briza (англ.) // The Plant List