Кабея лазячая

Кабе́я лазячая^[1] (Cobaea scandens) — від кветкавых раслін роду Кабея (Cobaea) сямейства Сінюхавыя (Polemoniaceae).

Кабея лазячая
Навуковая класіфікацыя
прамежныя рангі Дамен:  Эўкарыёты Царства:  Расліны Аддзел:  Кветкавыя Клас:  Двухдольныя Парадак:  Верасакветныя Сямейства:  Сінюхавыя Падсямейства:  Cobaeoideae Трыба:  Cobaeeae Род:  Кабея Від:  Кабея лазячая
Міжнародная навуковая назва
Cobaea scandens Cav. (1791)
Сінонімы
Cobaea lasseri Pittier Rosenbergia scandens (Cav.) House
Сістэматыка на Віківідах Выявы на Вікісховішчы NCBI   55380 EOL   6359727 GRIN   t:10972 IPNI   61922-2 TPL   kew-2729046

Батанічнае апісанне

Шматгадовая паўкустовая расліна з учэпістым або павойным сцяблом даўжынёй да 4 м. Лісце перыста-складанае, заканчваецца вусікам для прымацавання да апоры. Кветкі светла- ці цёмна-фіялетавыя, званочкавыя, дыяметрам да 6—8 см, з доўгімі тычынкамі і песцікам. Плод — каробачка.

Арэал і экалогія

Радзіма — трапічныя раёны Паўночнай Амерыкі (Мексіка)^[2]. Натуралізавалася на тэрыторыі Паўднёвай Амерыкі, трапічных раёнаў Азіі (Філіпіны), Новай Зеландыі^[2].

Сонцалюбівая і цеплалюбная. Размнажаецца насеннем і парасткамі. Ва ўмовах Беларусі цвіце з канца ліпеня да замаразкаў. Прыдатная для дэкарыравання альтанак, верандаў, балконаў, агароджаў на сонечным баку.

Зноскі

1. Энцыклапедыя прыроды Беларусі. У 5-і т. Т. 2. Гатня — Катынь / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1983. — 522 с. — 10 000 экз.
2. Germplasm Resources Information Network (GRIN-Taxonomy) (англ.)