Калеві Сорса

Тайста Калеві Сорса (фінск.: Taisto Kalevi Sorsa, 21 снежня 1930, Кеўруу — 16 студзеня 2004, Хельсінкі) — фінскі дзяржаўны і палітычны дзеяч.

Тайста Калеві Сорса
фінск.: Taisto Kalevi Sorsa
Прэм’ер-міністр Фінляндыі 4 верасня 1972 — 13 чэрвеня 1975
Папярэднік	Рафаэль Паасіа
Пераемнік	Кеія Ліінамаа
15 красавіка 1977 — 26 красавіка 1979
Папярэднік	Марці Міетунен
Пераемнік	Маўна Койвіста
19 лютага 1982 — 30 красавіка 1987
Папярэднік	Маўна Койвіста
Пераемнік	Хары Холкеры
Нараджэнне	21 снежня 1930(1930-12-21) Кеўруу, Вазаская губерня[d], Фінляндыя
Смерць	16 студзеня 2004(2004-01-16) (73 гады) Хельсінкі, падрэгіён Хельсінкі[d], Усіма, Паўднёвая Фінляндыя, Фінляндыя[1]
Месца пахавання	Хіетаніемі[2]
Імя пры нараджэнні	фінск.: Taisto Kalevi Sorsa
Партыя	Сацыял-дэмакратычная партыя Фінляндыі
Адукацыя	Універсітэт Тамперэ
Узнагароды
Медыяфайлы на Вікісховішчы

Біяграфія

У 1957 годзе Калеві Сорса скончыў факультэт журналістыкі Інстытута грамадскіх навук у Тамперэ. З 1954 па 1957 год працаваў журналістам, выдавецкім працаўніком ў друкаваных органах Сацыял-дэмакратычнай партыі Фінляндыі (СДПФ). У 1953—1963 гадах быў супрацоўнікам ЮНЕСКА, у 1965—1969 гадах выступаў у якасці генеральнага сакратара фінляндскай камісіі ЮНЕСКА.

З 1969 года працуе сакратаром СДПФ. У 1975 годзе становіцца старшынёй партыі і прабудзе на гэтай пасадзе 12 гадоў.

З 1970 года — дэпутат парламента. У 1970—1972, 1976—1977 гадах з’яўляўся старшынёй знешнепалітычнай камісіі парламента.

У 1972, 1975—1976 і 1987—1989 гадах працаваў у якасці намесніка прэм’ер-міністра і міністра замежных спраў.

Калеві Сорса узначальваў урад Фінляндыі ў 1972—1975, 1977—1979 і 1982—1987 гадах. Будучы прэм’ер-міністрам, ён прытрымліваўся канцэпцыі пабудовы дзяржавы ўсеагульнага дабрабыту. Пры ім былі ажыццёўлены рэформы адукацыі і аховы здароўя, ўдасканалена сістэма сацыяльнага і пенсійнага забеспячэння. У знешняй палітыцы Калеві Сорса праводзіў курс на ўмацаванне АБСЕ і падтрымліваў міжнародны сацыял-дэмакратычны рух.

З 1989 года з’яўляўся старшынёй парламента Фінляндыі.

Калеві Сорса памёр ад рака ў 2004 годзе ў сябе дома ў Хельсінкі.

Зноскі

1. Deutsche Nationalbibliothek Record #170539342 // Агульны нарматыўны кантроль — 2012—2016. Праверана 31 снежня 2014.

   <a href='https://wikidata.org/wiki/Track:Q27302'></a><a href='https://wikidata.org/wiki/Track:Q36578'></a>
2. Find a Grave — 1996. Праверана 11 мая 2024.

   <a href='https://wikidata.org/wiki/Track:Q63056'></a>