Каменскі сельсавет (Шчучынскі раён)

У паняцця ёсць і іншыя значэнні, гл. Каменскі сельсавет.

Ка́менскі сельсавет — адміністрацыйна-тэрытарыяльная адзінка ў складзе Шчучынскага раёна Гродзенскай вобласці. Цэнтр — аграгарадок (да 2010 г. вёска) Каменка.

Каменскі сельсавет
Краіна	Беларусь
Уваходзіць у	Шчучынскі раён
Уключае	19 населеных пунктаў
Адміністрацыйны цэнтр	Каменка
Дата ўтварэння	12 кастрычніка 1940
Насельніцтва (2019)	714
Часавы пояс	UTC+03:00
Код аўтам. нумароў	4

Утвораны 12 кастрычніка 1940 года ў складзе Шчучынскага раёна Баранавіцкай вобласці БССР. З 20 верасня 1944 года ў складзе Гродзенскай вобласці. 16 ліпеня 1954 года да сельсавета далучана тэрыторыя скасаванага Залесненскага сельсавета^[1]. З 23 мая па 25 снежня 1962 года ў складзе Скідзельскага раёна^[2]. 26 кастрычніка 1965 года ў склад сельсавета з Дэмбраўскага сельсавета перададзена вёска Пратасаўшчына^[3]. 11 ліпеня 1972 года да сельсавета далучана тэрыторыя скасаванага Скоржыцкага сельсавета^[4]. У 1976 годзе ў склад Шчучынскага сельсавета перададзены 13 населеных пунктаў: Агароднікі, Барташы, Будраўцы, Дубраўляны, Ельня, Жадзейкі, Жылічы, Зарэчча, Мілеўцы, Поплава, Скоржыкі, Шніпкі, Юшкі^[5].

Насельніцтва сельсавета паводле перапісу 2009 года — 1006 чалавек^[6], з іх 53,6 % — палякі, 39,6 % — беларусы, 5,5 % — рускія, 0,6 % — украінцы^[7]; паводле перапісу 2019 года — 714 чалавек^[8].