Кантрактовая плошча (Кіеў)

Кантрактовая плошча (укр.: Контракто́ва площа) — плошча ў Падольскім раёне Кіева (мясцовасць Падол).

Кантрактовая плошча
укр.: Контрактова площа
Агульная інфармацыя
Краіна	Украіна
Населены пункт	Кіеў
Ранейшыя назвы	Аляксандраўская плошча Чырвоная плошча[1] Запарожская плошча[2]
Медыяфайлы на Вікісховішчы

Гісторыя

З’яўляецца адной з найстарэйшых плошчаў у Кіеве, узнікла яшчэ ў часы Кіеўскай Русі. Пасля разбурэння Верхняга горада мангола-татарамі і да XIX стагоддзя заставалася цэнтрам горада. Раней называлася Александроўскай, Чырвонай.

Назва «Кантрактовая плошча» ўзнікла праз тое, што купцы Кіева заключалі кантракты менавіта на гэтай плошчы. Пасля 1795 года, калі адбыўся трэці падзел Рэчы Паспалітай і горад Дубна, у якім першапачаткова ўзнік кантрактовы кірмаш, увайшоў у склад Расійскай імперыі, яго кантрактовы кірмаш перанеслі ў Кіеў. Выклікана гэта было тым, што Кантрактовая плошча была размешчана каля кіеўскага порта, які быў асноўнай крыніцай экспартна-імпартных паставак. Пасля развіцця сеткі чыгунак значэнне порта і Кантрактовай плошчы значна зменшылася, а цэнтр дзелавога жыцця Кіева перамясціўся на Хрэшчатык.

Сярод славутасцяў:

• Гасціны двор, будаўніцтва пачата ў 1809 па праекце архітэктара Алаізія Руска; перабудоўваўся ў 1828; у 1980—1982 гадах у выніку рэканструкцыі быў дабудаваны другі паверх, што было закладзена ў першапачатковым праекце;
• Кіева-Магілянская акадэмія (1632);
• Помнік Рыгору Скаварадзе (1976);
• Помнік гетману Войска Запарожскага Пятру Канашэвічу-Сагайдачнаму;
• Калодзеж-фантан «Самсон», першы раз быў пабудаваны ў 1748—1749, адноўлены ў 1982.

На плошчы таксама знаходзіцца будынак Храма Святой велікамучаніцы Кацярыны, які раней належаў былому Сінайскаму падворку, цяпер яго займае ўпраўленне Нацыянальнага банка Украіны па Кіеве і вобласці, якое ў 1995 годзе ўзнавіла манастырскую званіцу^[3].

Транспарт

• Станцыя метро
• Канчатковы прыпынак трамваяў
• Аўтобусны прыпынак
• Прыпынак маршрутных таксі

Фотаздымкі

• 
  Званіца Свята-Кацярынінскага манастыра
• 
  Дом прыбытковы Свята-Кацярынінскага манастыра
• 
  Дом з крамамі
• 
  Дом Вішнеўскіх. 1770 з больш познімі прыбудовамі
• 
  Дом Вішнеўскіх. XVIII ст. — першы паверх з пілястрамі. Усё астатняе — дабудоўкі
• 
  Дом Вішнеўскіх. Рэдкая архітэктурная дэталь — балкон для цёшчы
• 
  Даходны дом у стылі мадэрн. Цяпер — Діамантбанк
• 
  Дом цэха кушняроў
• 
  Цыркульны корпус НаУКМА
• 
  Корпус акадэмічны новы НаУКМА

Зноскі

1. http://www.mashke.org/kievtram/history/schemes/1936-routes/
2. Архіўная копія (нявызн.)(недаступная спасылка). Архівавана з першакрыніцы 9 лістапада 2013. Праверана 9 студзеня 2017.
3. Грэцкі прыход вмц. Кацярыны (былы Сінайскі падворак, на Падоле) (нявызн.)(недаступная спасылка). Архівавана з першакрыніцы 15 красавіка 2009. Праверана 9 студзеня 2017.