Касцёл Звеставання Найсвяцейшай Дзевы Марыі (Міжэрычы)

Касцёл Звеставання Найсвяцейшай Дзевы Марыі — каталіцкі храм у аграгарадку Міжэрычах Зэльвенскага раёна Гродзенскай вобласці. Помнік архітэктуры неаготыкі. Знаходзіцца ў цэнтры вёскі.

Каталіцкі храм
Касцёл Звеставання Найсвяцейшай Дзевы Марыі
53°04′02″ пн. ш. 24°46′26″ у. д.HGЯO
Краіна	Беларусь
Канфесія	Каталіцтва
Епархія	Гродзенская дыяцэзія
Дэканат	Слонімскі
Архітэктурны стыль	неаготыка
Архітэктар	Вільгельм Аўгуставіч Срока
Першае згадванне	1622
Будаўніцтва	1906—1912 гады
Стан	дзейнічае

У паняцця ёсць і іншыя значэнні, гл. Касцёл Адведзін Найсвяцейшай Дзевы Марыі.

Гісторыя

Касцёл з боку апсіды.

Бакавы фасад касцёла.

Парафія ўтворана ў XVII стагоддзі, першы драўляны касцёл пабудаваны ў 1622 годзе па фундацыі Войцеха Клочкі, на ўнутранае ўбранне ахвяраваў грошы яго сын Мацей. У 1891 годзе зачынены.

Пабудаваны ў 1906—1912 гадах з цэглы па праекце гродзенскага архітэктара Вільгельма Срокі^[1].

У 1936 годзе асвячоны віленскім біскупам Рамуальдам Ялбжыкоўскім. Зачынены ў 1946 годзе, адноўлены ў 1989 годзе.

Архітэктура

Аднанефны аднавежавы храм з развітым трансептам і трохграннаю апсідай. Цэнтральная частка галоўнага фасада вылучана трох’яруснай вежай-званіцай з невысокім шатровым дахам, бакавыя дэкарыраваны зубчастымі атыкавымі сценкамі. Тарцы трансепта завершаны франтонамі зубчастага профілю. Сцены храма ўмацаваны ступеньчатымі контрфорсамі і прарэзаны стральчатымі аконнымі праёмамі. Другі ярус вежы і тарцы трансепта дэкарыраваны шырокім аркатурным поясам. У інтэр’еры — плоская столь.

Зноскі

1. Кулагин А. Н. Гродненские зодчие XIX — начала XX веков (новые архивные изыскания). // Пытанні мастацтвазнаўства, этналогіі і фалькларыстыкі. Выпуск 24. — Мінск, «Права і эканоміка». — 2018. — С. 76—77