Квінслендскі ўніверсітэт

Квінслендскі ўніверсітэт (англ.: University of Queensland) — аўстралійская дзяржаўная вышэйшая навучальная ўстанова са статусам даследчага ўніверсітэта, сядзіба якой месціцца ў горадзе Брысбен у штаце Квінсленд.

Квінслендскі ўніверсітэт
англ.: University of Queensland
Арыгінальная назва	англ.: University of Queensland
Заснаваны	1909
Студэнты	48 771
Краіна	Аўстралія
Размяшчэнне	Брысбен, Квінсленд, Аўстралія
Сайт	uq.edu.au
Медыяфайлы на Вікісховішчы

Агульная характарыстыка

Галоўны кампус займае большую частку прыгарада Сент-Люсія на беразе ракі на паўднёвы захад ад цэнтральнага дзелавога раёна Брысбена. Іншыя кампусы і аб'екты ўніверсітэта размешчаны па ўсім Квінслендзе, найбуйнейшымі з якіх з'яўляюцца кампус Гатан і медыцынская школа Майн. Замежныя ўстановы ўніверсітэта ўключаюць офіс у Вашынгтоне і клінічную школу ў Луізіяне ў ЗША. Універсітэт аб'ядноўвае больш за 100 навукова-даследчых інстытутаў і цэнтраў, такія як Інстытут малекулярнай біянавукі, Аўстралійскі даследчы і тэхналагічны цэнтр Boeing, Аўстралійскі інстытут біяінжынерыі і нанатэхналогій, Цэнтр устойлівых інжынерных інавацый і інш. Універсітэт мае сярод сваіх выпускнікоў і былых супрацоўнікаў двух лаўрэатаў Нобелеўскай прэміі (Пітэр Чарлз Догерці і Джон Харсаньі), больш за 100 алімпійцаў, якія выйгралі мноства залатых медалёў.

Структура

• Факультэт бізнесу, эканомікі і права
• Факультэт інжынерыі, архітэктуры і інфармацыйных тэхналогій
• Факультэт здароўя і паводніцкіх навук
• факультэт гуманітарных навук, мастацтваў і сацыяльных навук
• Факультэт медыцыны
• Факультэт прыродазнаўства

Спасылкі

• На Вікісховішчы ёсць медыяфайлы па тэме Квінслендскі ўніверсітэт
• Афіцыйная інтэрнэт-старонка ўстановы