Краснаполле (Расонскі раён)

У паняцця ёсць і іншыя значэнні, гл. Краснаполле, значэнні.

Краснапо́лле^[1] (трансліт.: Krasnapollie, руск.: Краснополье) — аграгарадок у Расонскім раёне Віцебскай вобласці. Уваходзіць у склад Краснапольскага сельсавета.

Аграгарадок Краснаполле Краіна Беларусь Вобласць Віцебская Раён Расонскі Сельсавет Краснапольскі Каардынаты 55°48′47″ пн. ш. 29°15′53″ у. д.HGЯO Насельніцтва 685 чалавек (2010) Часавы пояс UTC+3 Тэлефонны код +375 2159 Аўтамабільны код 2 СААТА 2242825041 Краснаполле Краснаполле

Краснаполле на Вікісховішчы

Знаходзіцца за 34 км у кірунку на паўднёвы ўсход ад гарадскога пасёлка Расоны, за 155 км ад Віцебска, на рацэ Дрыса^[2].

Гісторыя

У 1931—1954 гадах цэнтр Старадворскага сельсавета. З 1966 года цэнтр Краснапольскага сельсавета.

У 2008 годзе вёска пераўтворана ў аграгарадок, у склад увайшлі вёскі Зарэчча, Слабада, Карпіна^[3].

Насельніцтва

• 1998 год — 328 жыхароў, 149 двароў^[2]
• 1999 год — 373 жыхары
• 2010 год — 685 жыхароў^[3]

Памятныя мясціны

Брацкая магіла савецкіх воінаў.

У літаратуры

Маёнтак Краснаполь на беразе Дрысы згадваецца ў апавяданні «Успаміны пра наведванне роднага краю» са зборніка «Шляхціц Завальня, або Беларусь у фантастычных апавяданнях» Яна Баршчэўскага. Паводле паданняў, запісаных Баршчэўскім, там яшчэ за паганскімі часамі жыў князь Бой, што выславіўся на Белай Русі як магутны асілак. Ён меў моцных сабак з імёнамі Стары і Гаўры, што маглі перамагчы ў баі мядзведзя і часта ратавалі свайго гаспадара. Калі сабакі памерлі ад старасці, ім былі прызначаны ўрачыстыя дні, і дагэтуль людзі ў той мясцовасці спраўляюць тое свята раз на год — перад Сёмухаю.