Леанід Васілевіч Кукраш

Леанід Васілевіч Ку́краш (27 ліпеня 1938, в. Рачэнь, Любанскі раён, Мінская вобласць — 16 чэрвеня 2023) — беларускі вучоны ў галіне раслінаводства і селекцыі. Акадэмік Акадэміі аграрных навук Беларусі (1996—2002, член-карэспандэнт з 1992), акадэмік НАН Беларусі (2003), доктар сельскагаспадарчых навук (1985), прафесар (2000). Заслужаны дзеяч навукі Рэспублікі Беларусь (1999).

Леанід Васілевіч Кукраш
Дата нараджэння	27 ліпеня 1938(1938-07-27)
Месца нараджэння	Рачэнь, Рачэнскі сельсавет, Любанскі раён, Менская вобласць, Беларуская ССР, СССР
Дата смерці	16 чэрвеня 2023(2023-06-16) (84 гады)
Род дзейнасці	навуковец
Навуковая сфера	раслінаводства і селекцыя[d]
Месца працы	Навукова-практычны цэнтр НАН Беларусі па земляробстве
Навуковая ступень	доктар сельскагаспадарчых навук (1983)
Навуковае званне	акадэмік НАНБ, акадэмік ААН РБ, прафесар
Альма-матар	Агранамічны факультэт БДСГА (1960)
Узнагароды	Заслужаны дзеяч навукі Рэспублікі Беларусь

У Вікіпедыі ёсць артыкулы пра іншых людзей з прозвішчам Кукраш.

Біяграфія

Скончыў у 1960 годзе БСГА. 3 1972 у Беларускім НДІ земляробства і кармоў (з 1984 загадчык аддзела, з 1987 намеснік дырэктара), з 1994 галоўны саветнік упраўлення АПК Савета Міністраў Беларусі. У 2003—2008 гг. — загадчык сектара навукі Адміністрацыі Прэзідэнта Рэспублікі Беларусь. З 2008 г. дарадца па вытворчасці Міністра сельскай гаспадаркі і харчавання Рэспублікі Беларусь.

Асноўныя працы

Навуковыя працы па павышэнні прадукцыйнасці зернебабовых культур. Вывеў (у сааўтарстве) сарты гароху Белус і Агат, яравой вікі Наталі, яравога трыцікале Інэса.

• Вика. М., 1989;
• Вика яровая. Биология и культигенез. Мн.: Навука i тэхнiка, 1991.
• Зернобобовые культуры. Мн.: Ураджай, 1992 (сумесна з Лукашэвіч Н. П.).
• Горох (биология, агротехника, использование). Мн.: Ураджай, 1997 (сумесна з Лукашэвіч Н. П.).

Літаратура

• Кукраш Леанід Васілевіч // Беларуская энцыклапедыя: У 18 т. Т. 8: Канто — Кулі / Рэдкал.: Г. П. Пашкоў і інш. — Мн. : БелЭн, 1999. — Т. 8. — 576 с. — 10 000 экз. — ISBN 985-11-0035-8. — ISBN 985-11-0144-3 (т. 8).

Спасылкі

• Профіль на сайце НАН Беларусі
• Леанід Васілевіч Кукраш у базе даных «История белорусской науки в лицах» Цэнтральнай навуковай бібліятэкі імя Якуба Коласа НАН Беларусі (руск.)