Лілеякветныя

Лілеякветныя (Liliales) — парадак аднадольных раслін.

Лілеякветныя
Познацвет асенні ў Каралеўскім батанічным садзе ў Мадрыдзе
Навуковая класіфікацыя
Дамен:  Эўкарыёты Царства:  Расліны Аддзел:  Кветкавыя Клас:  Аднадольныя Парадак:  Лілеякветныя
Міжнародная навуковая назва
Liliales Perleb, 1826
Сістэматыка на Віківідах Выявы на Вікісховішчы ITIS   42612 NCBI   4667 EOL   4173 FW   54972

Каля 20 сямействаў, больш за 6,5 тыс. відаў. Пашыраны ўсюды, пераважна ва ўмеранай і субтрапічнай зонах. На Беларусі 3 сямействы, 12 родаў (бялюк (Anthericum), гусіная цыбуля (Gagea), ландыш майскі (Convallaria), лілея (Lilium), майнік (Maianthemum), мудранка (Paris), познацвет (Colchicum), спаржа (Asparagus), тафільдыя (Tofieldia), цыбуля (Allium), цюльпан (Tulipa), чамярыца (Veratrum), птушкамлечнік (Ornithogalum)) і шмат інтрадукаваных відаў з родаў алоэ (Aloe), амарыліс (Amaryllis), белакветнік (Leucojum), гіяцынт (Hyacinthus), драцэна (Dracaena), красадзён, нарцыс (Narcissus), рабчык (Fritillaria) і інш.^[1]

Шматгадовыя травы з карэнішчам, цыбулінамі ці клубнецыбулінамі, радзей дрэвападобныя расліны, некаторыя ліяны. Лісце суцэльнае. Кветкі звычайна двухполыя, правільныя ў гронках, мяцёлках і іншых суквеццях. Плод — каробачка, часам — ягада. Ёсць ядавітыя віды.

Лекавыя, агароднінныя, інсектыцыдныя, меданосныя, тэхнічныя, дэкаратыўныя, пакаёвыя расліны.

Зноскі

1. БелЭн у 18 т. Т.9. Мн., 1999