Ліпа

Лі́па^[2] (Tilia) — род лістападных дрэў сямейства Ліпавыя (Tiliaceae).

Ліпа
Кветкі Tilia insularis
Навуковая класіфікацыя
прамежныя рангі Дамен:  Эўкарыёты Царства:  Расліны Аддзел:  Кветкавыя Клас:  Двухдольныя Парадак:  Мальвакветныя Сямейства:  Мальвавыя Падсямейства:  Ліпавыя Род:  Ліпа
Міжнародная навуковая назва
Tilia L., 1753
Тыпавы від
Tilia ×europaea L.[1]
Сістэматыка на Віківідах Выявы на Вікісховішчы ITIS   21535 NCBI   64580 EOL   61647 GRIN   g:12151 IPNI   39532-1 FW   56055

Bombus terrestris на ліпе драбналістай (Tilia cordata)

У паняцця ёсць і іншыя значэнні, гл. Ліпа (значэнні).

Апісанне

Дрэвы вышынёй да 15—20 м (часам да 40 м), дыяметрам ствала да 2 м. Лісце нераўнабокае, круглавата-сэрцападобнае, завостранае, пілаватае. Кветкі жоўтыя, або жоўта-белыя, духмяныя, у паўпарасоніках. Цвітуць ліпы ў чэрвені—жніўні. Плод — арэшак. Садовыя формы адрозніваюцца сілуэтам кроны, афарбоўкай лісця і кветак.

Цене-, мароза- і ветраўстойлівае дрэва. Жыве 300—400 гадоў.

Віды

Ліпа драбналістая (Tilia cordata) пашырана на ўсёй тэрыторыі Беларусі ў шыракалістых лясах. У садах і парках каля 30 інтрадукаваных відаў, разнавіднасцей і форм, у тым ліку: ліпа раскідзістая, ліпа амерыканская (Tilia americana), ліпа амурская (Tilia amurensis), ліпа лямцавая, ліпа еўрапейская (Tilia europaea), ліпа крымская, ліпа буйналістая (Tilia platyphyllos).

Значэнне

Кветкі меданосныя, ліпавы цвет ужываецца ў якасці лекавага сродка. Ліпа — каштоўнае дрэва, якое выкарыстоўваецца для азелянення.

Гл. таксама

• Tilia begoniifolia

Зноскі

1. Tilia Архівавана 28 мая 2013.// NCU-3e. Names in current use for extant plant genera Electronic version 1.0 (Праверана 6 студзеня 2011)
2. Киселевский А. И. Латино-русско-белорусский ботанический словарь. — Мн.: «Наука и техника», 1967. — С. 131. — 160 с. — 2 350 экз.