Ліпаў

У паняцця ёсць і іншыя значэнні, гл. Ліпаў (значэнні).

Лі́паў^[1] (трансліт.: Lipaŭ, руск.: Липов) — аграгарадок у Калінкавіцкім раёне Гомельскай вобласці Беларусі. Уваходзіць у склад Ліпаўскага сельсавета.

Аграгарадок Ліпаў Краіна Беларусь Вобласць Гомельская Раён Калінкавіцкі Сельсавет Ліпаўскі Каардынаты 52°21′38″ пн. ш. 29°34′09″ у. д.HGЯO Першая згадка XV стагоддзе Насельніцтва ▼691 чал. (2019) Часавы пояс UTC+3 Тэлефонны код +375 2345 Паштовыя індэксы 247749 Аўтамабільны код 3 СААТА 3223854026 Ліпаў на карце Беларусі ±

Ліпаў на Вікісховішчы

Геаграфія

Аграгарадок знаходзіцца за 45 км у напрамку на паўночны ўсход ад горада Калінкавічы, за 122 км ад Гомеля^[2]. Каля аграгарадка пачынаецца Ліпаўскі канал (прыток ракі Ведрыч)^[3].

Гісторыя

Знаходзіўся ва ўладанні землеўласніка Ігната Тадэвушавіча Горвата. Пасля яго смерці, перайшоў у распараджэнне ягоных сыноў. У 1826 годзе ў спісе дваран Рэчыцкага павета маёнтак Ліпаў значыўся супольным уладаннем паўналетніх братоў Аляксандра і Станіслава Ігнатавічаў Горватаў. 31 сакавіка 1828 года падзельчым актам зямельнай спадчыны маёнтак перайшоў ва ўладанне іхняга малодшага брата — Атона Ігнатавіча Горвата^[4].

Насельніцтва

• 1999 год — 790 жыхароў у 309 дварах^[2].

Памятныя мясціны

Сядзіба Горватаў у маёнтку Ліпаў. Фота пачатку ХХ ст.

• Брацкая магіла савецкіх воінаў і партызан.
• Помнік землякам, загінуўшым у Вялікую Айчынную вайну.

Вядомыя асобы

• Ігнат Тадэвушавіч Горват (1764—к.1826), буйны землеўласнік Расійскай імперыі, пачынальнік узвышэння роду Горватаў, мазырскі гродскі суддзя (1782—1795), дэпутат дваранства (вывадовы дэпутат) Рэчыцкага павета (1795—1801)
• Атон Ігнатавіч Горват (1809—1894), буйны землеўласнік Расійскай імперыі, мінскі губернскі маршалак (1847—1853)
• Станіслаў Аляксандравіч Горват (1866—1930), буйны землеўласнік Расійскай імперыі, «краёвец», дэпутат I Дзяржаўнай думы ад Кіеўскай губерні (1906) і член дэпутацкага «Краёвага кола Літвы і Русі», дэпутат (1910—1913) Дзяржаўнага Савета Расійскай імперыі ад Кіеўскай губерні