Ліпінкі

Лі́пінкі^[1] (трансліт.: Lipinki, руск.: Липинки) — вёска ў Беларусі, у Брэсцкім раёне Брэсцкай вобласці. Уваходзіць у склад Дамачаўскага сельсавета.

Вёска Ліпінкі Краіна Беларусь Вобласць Брэсцкая Раён Брэсцкі Сельсавет Дамачаўскі Каардынаты 51°41′22″ пн. ш. 23°36′07″ у. д.HGЯO Насельніцтва 131 чалавек (2005) Часавы пояс UTC+3 Тэлефонны код +375 162 Паштовыя індэксы 225021 Аўтамабільны код 1 СААТА 1212805046 Ліпінкі Ліпінкі Ліпінкі

Ліпінкі на Вікісховішчы

Размешчаны за 55 км на поўдзень ад Брэста, за 14 км ад чыгуначнай станцыі Дубіца, вакол лес, непадалёку аўтадарога Брэст — Тамашоўка.

У складзе адкрытага акцыянернага таварыства «Брэстрайаграсэрвіс» (цэнтр — гарадскі пасёлак Дамачава).

Гісторыя

У XIX стагоддзі вёска ў Брэсцкім павеце Гродзенскай губерні. Уваходзіла ў склад маёнтка Дамачава. Паводле матэрыялаў 1858 года ўладанне князя Вітгенштэйна.

Паводле Рыжскага мірнага дагавора 1921 года ў складзе Польскай Рэспублікі, у Дамачаўскай гміне Брэсцкага павета Палескага ваяводства.

З 1939 года ў складзе БССР. У Вялікую Айчынную вайну гітлераўцы загубілі 26 жыхароў, 8 вяскоўцаў загінулі на фронце. У 1948 годзе быў арганізаваны калгас імя Жданава. У 1954—1959 гадах цэнтр Ліпінкаўскага сельсавета^[2]. З 1989 года ў калгасе «Беларусь».

Насельніцтва

• 96 сялянскіх душ (1858)
• 71 двор, 552 жыхары (1876)
• 348 жыхароў (1897)
• 22 двары, 162 жыхары (1921)
• 70 двароў, 212 жыхароў (1940)
• 342 жыхары (1959)
• 378 жыхароў (1970)
• 83 гаспадаркі, 180 жыхароў (1997)
• 62 гаспадаркі, 131 жыхар (2005)

Зноскі

1. Назвы населеных пунктаў Рэспублікі Беларусь: Брэсцкая вобласць: нарматыўны даведнік / І. А. Гапоненка і інш.; пад рэд. В. П. Лемцюговай. — Мн.: Тэхналогія, 2010.— 318 с. ISBN 978-985-458-198-9. (DJVU)
2. Рашэнне выканкома Брэсцкага абласнога Савета дэпутатаў працоўных ад 8 верасня 1959 г. // Збор законаў, указаў Прэзідыума Вярхоўнага Савета Беларускай ССР, пастаноў і распараджэнняў Савета Міністраў Беларускай ССР. — 1959, № 11.