Максім Анатолевіч Валадзько

У Вікіпедыі ёсць артыкулы пра іншых людзей з прозвішчам Валадзько.

Максім Валадзько (нар. 10 лістапада 1992, Мінск) — беларускі футбаліст, абаронца. Ігрок нацыянальнай зборнай Беларусі (2014—2021).

Максім Валадзько
Агульная інфармацыя
Поўнае імя	Максім Анатолевіч Валадзько
Нарадзіўся	10 лістапада 1992(1992-11-10)[1][2][…] (32 гады) Мінск, Беларусь
Грамадзянства	Беларусь
Рост	180 см
Вага	77 кг[3]
Пазіцыя	абаронца, паўабаронца
Клубная кар’ера[* 1]
2009—2018 БАТЭ (Барысаў) 143 (8) 2012 →  СКВІЧ (Мінск) 15 (4) 2019—2020 Арсенал (Тула) 6 (0) 2020 Тамбоў 4 (0) 2021—2022 БАТЭ (Барысаў) 20 (1) 2022—2023 Санта Калома 23 (1) 2023—2024 Фларыяна 24 (1)
Нацыянальная зборная[* 2]
2012—2014 Беларусь (да 21) 25 (1) 2014—2021 Беларусь 33 (2)
Узнагароды і медалі
Дзяржаўныя і ведамасныя ўзнагароды
Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 8 жніўня 2024. Колькасць гульняў і галоў за нацыянальную зборную ў афіцыйных матчах, адкарэктавана станам на 5 чэрвеня 2021
Медыяфайлы на Вікісховішчы

Клубная кар’ера

З 2009 года выступаў за дубль барысаўскага БАТЭ, зрэдку прыцягваўся і да асноўнага складу. Сезон 2012 правёў у арэндзе ў мінскім клубе СКВІЧ у Першай лізе. Галоўны трэнер СКВІЧа Сяргей Бароўскі стаў выкарыстоўваць Максіма як флангавага абаронцу (да таго той быў паўабаронцам).

Пасля вяртання з арэнды ў сезоне 2013 стаў рэгулярна праходзіць у асноўны склад барысаўскага клуба. Спачатку выходзіў на замену, а пачынаючы са жніўня 2013 года стаў з’яўляцца ў стартавым складзе на пазіцыі левага абаронцы.

У пачатку сезона 2014 месца асноўнага левага абаронцы барысаўчан заняў Філіп Младэнавіч, а Валадзько стаў пераважна выхадзіць на замену ў паўабарону. Улетку 2014 года стаў з’яўляцца ў стартавым складзе на пазіцыі правага паўабаронцы (часам нават правага ўскрайняга нападніка), але пад канец сезона вярнуўся на месца левага абаронцы.

У снежні 2015 года падоўжыў кантракт з БАТЭ^[4]. У сезоне 2016 чаргаваў выхады ў стартавым складзе і на замену, выступаючы ў асноўным на розных пазіцыях ля левага краю. У сезоне 2017 замацаваўся ў аснове на пазіцыі левага абаронцы.

У студзені 2019 года падпісаў кантракт на 1,5 гады з тульскім «Арсеналам»^[5]. У складзе каманды стаў запасным іграком і рэдка з’яўляўся на полі. У чэрвені 2020 года падоўжыў кантракт з «Арсеналам» да канца сезона^[6], па заканчэнні якога ў ліпені 2020 года пакінуў клуб^[7].

Пасля сыходу з «Арсенала» некаторы час трэніраваўся з «Хімкамі», а ў кастрычніку 2020 года далучыўся да «Тамбова»^[8]. Спачатку заставаўся на лаўцы запасных, пасля стаў выхадзіць у стартавым складзе.

У лютым 2021 года далучыўся да БАТЭ і хутка падпісаў кантракт^[9]. Не меў рэгулярнага месца ў стартавым складзе, нярэднка выхадзіў на замену ці заставаўся на лаўцы запасных. У жніўні 2022 года па пагадненні бакоў пакінуў барысаўскі клуб^[10].

У жніўні 2022 года стаў іграком андорскага клуба «Санта Калома»^[11]. У чэрвені 2023 года перабраўся ў мальтыйскую «Фларыяну»^[12], дзе гуляў да чэрвеня 2024 года^[13].

Міжнародная кар’ера

Выступаў за моладзевую зборную Беларусі.

У верасні 2014 года быў упершыню выкліканы ў нацыянальную зборную Беларусі^[14]. Дэбютаваў у зборнай 18 лістапада 2014 года ў таварыскім матчы супраць Мексікі (3:2), выйшаўшы ў стартавым складзе на пазіцыі левага абаронцы.

Дасягненні

• Чэмпіён Беларусі (8): 2009, 2011, 2013, 2014, 2015, 2016, 2017, 2018
• Срэбраны прызёр чэмпіянату Беларусі: 2021
• Уладальнік Кубка Беларусі (2): 2015, 2021
• Уладальнік Суперкубка Беларусі (6): 2013, 2014, 2015, 2016, 2017, 2022
• У спісе 22 найлепшых футбалістаў чэмпіянату Беларусі (4): 2014, 2016, 2017, 2018
• Бронзавы прызёр чэмпіянату Андоры: 2023
• Срэбраны прызёр чэмпіянату Мальты: 2024