Марта Алегаўна Касцюк

У Вікіпедыі ёсць артыкулы пра іншых людзей з прозвішчам Касцюк.

Марта Алегаўна Касцюк (укр.: Марта Олегівна Костюк; нар. 28 чэрвеня 2002, Кіеў, Украіна) — украінская тэнісістка; пераможца трох турніраў WTA (з іх адзін у адзіночным разрадзе); пераможца аднаго юніёрскага турніру Вялікага шлема ў адзіночным разрадзе (Адкрыты чэмпіянат Аўстраліі-2017); пераможца аднаго юніёрскага турніру Вялікага шлема ў парным разрадзе (Адкрыты чэмпіянат ЗША-2017); былая другая ракетка свету ў юніёрскім рэйтынгу.

Марта Касцюк
укр.: Марта Олегівна Костюк
Нарадзілася	28 чэрвеня 2002(2002-06-28)[1] (23 гады) Кіеў, Украіна[1]
Грамадзянства	Украіна[1]
Рэзідэнцыя	Чайкі, Украіна
Рост	175 см
Прафесійная кар’ера	2016 — ц.ч.
Вядучая рука	правая
Удар злева	двухручны
Трэнер(ы)	Таліна Бейко (маці) Андрэа Вальпіні
Прызавыя грошы	6 050 453 $[1]
Адзіночны разрад
Вынікі (в/п)	231–144[1]
Тытулы	1 WTA, 3 ITF
Найвышэйшы рэйтынг	34 (19 чэрвеня 2023)
Турніры серыі Вялікага шлема
Аўстралія	3-і раўнд (2018, 2022, 2023)
Францыя	4-ы раўнд (2021)
Уімблдан	2-і раўнд (2021, 2022)
ЗША	3-і раўнд (2020)
Парны разрад
Вынікі (в/п)	79–52[1]
Тытулы	2 WTA, 1 WTA 125K, 2 ITF
Найвышэйшы рэйтынг	31 (23 студзеня 2023)
Турніры серыі Вялікага шлема
Аўстралія	1/2 фіналу (2023)
Францыя	1/4 фіналу (2020, 2022)
Уімблдан	2-і раўнд (2021, 2022)
ЗША	3-і раўнд (2021, 2022)
Медыяфайлы на Вікісховішчы
Апошняе абнаўленне: 6 сакавіка 2023 года

Біяграфія

Нарадзілася ў Кіеве ў 2002 годзе ў сям’і Алега Касцюка і яго жонкі Таліны (дзявочае прозвішча — Бейко). Бацька Марты займаў пасаду тэхнічнага дырэктара юніёрскага тэніснага турніру «Кубак Антэя», маці Таліна і дзядзька Тарас — у мінулым прафесійныя гульцы ў тэніс, выступалі за зборную Украіны^[2]. Займалася тэнісам з дзяцінства, акрамя таго, стала кандыдатам у майстры спорту па акрабатыцы^[3][4].

Спартыўная кар’ера

2015—2017 (юніёрскія гады)

У 2015 годзе выйграла прэстыжнейшы дзіцячы турнір Orange Bowl.

У 2016 годзе яна выйграла турнір Petits As, неафіцыйны чэмпіянат свету сярод тэнісістаў 12-14 гадоў, які ў свой час выйгравалі такія будучыя зоркі сусветнай вялічыні, як: Марціна Хінгіс (1991, 1992), Кім Клейстэрс (1997) і Дынара Сафіна (2000). У жніўні таго ж года яна дэбютавала на турніры дарослага ўзроўню ў Харкаве, дзе ў першым раундзе саступіла сваёй суайчынніцы Алене Плоскінай — 6:0, 6:1. У кастрычніку Касцюк адправілася на турнір катэгорыі ITF у Шарм-эш-Шейх, дзе дайшла да 1/8 фіналу^[5]. У складзе зборнай Украіны (да 14 гадоў) разам з Дар’яй Лапатэцкай і Дар’яй Снігур выйграла камандны Кубак свету, а таксама летні і зімовы камандны Кубак Еўропы.

У студзені 2017 года Марта Касцюк, з’яўляючыся 11-й сеянай, выйграла юніёрскі Australian Open, аказаўшыся ў фінале мацнейшай за швейцарку Рэбеку Масараву (1-ы нумар пасеву) — 7:5, 1:6, 6:4^[6].

У маі 2017 года 14-гадовая Касцюк выйграла свой першы турнір на дарослым узроўні, перамогшы ў венгерскім горадзе Дунакесі^[7]: у паўфінале яна перамагла Аляксандру Каданцу^[8], а ў фінале — Бернарду Пера — 6:4, 6:3. Адметна, што за ўвесь турнір Марта Касцюк не прайграла ніводнага сэту^[9].

У верасні 2017 года ў пары з Вольгай Даніловіч выйграла юніёрскі Адкрыты чэмпіянат ЗША па тэнісе.

У кастрычніку 2017 года выйграла выніковы гадавы юнацкі турнір у кітайскім Чэнду.

2018—2019

На Адкрытым чэмпіянаце Аўстраліі па тэнісе ў адзіночным разрадзе, прайшоўшы кваліфікацыю, Касцюк толькі ў трэцім коле прайграла 4-й сеянай турніру — Эліне Світолінай, перад гэтым абыйграўшы 25-ю сеяную Пэн Шуай і Алівію Рагоўску. Гэты поспех дазволіў ёй заняць у рэйтынгу WTA па стане на 29 студзеня 2018 года 243-ю пазіцыю, знаходзячыся адначасова ў юніёрскім рэйтынгу ITF на 5-й пазіцыі^[10].

У лютым 2018 года выйграла турнір ITF у Берні. У фінале тэнісістка перамагла першую сеяную Вікторыю Голубіч з Швейцарыі.

Марта Касцюк на турніры ў Польшчы 2019 года

10 лютага дэбютавала ў складзе зборнай Украіны ў матчы Кубка Федэрацыі са зборнай Аўстраліі, здабыўшы перамогу над 26-ай ракеткай свету Дар’яй Гаўрылавай.

У 2019 годзе яна выйграла яшчэ два тытулы ITF Circuit і дайшла да чвэрцьфіналу турніру WTA ў Страсбуры.

Сезон 2021 года (топ-50 у адзіночках)

На пачатку студзеня 2021 года Марта прыняла ўдзел у турніры WTA-500 у Абу-Дабі, дзе стала паўфіналісткай турніру, саступіўшы дарогу ў фінал расійскай спартсменцы Вераніцы Кудзярметавай. На Адкрытым чэмпіянаце Францыі па тэнісе ўкраінка ўпершыню ў кар’еры дайшла да чацвёртага раўнда, у якім саступіла ў двух сэтах Ізе Свёнтак з Польшчы.

Мела выступіць на алімпійскім турніры ў Токіа ў адзіночным і парным разрадах (з Элінай Світолінай), але адмовілася ад удзелу праз траўму пляча. У пары яе замяніла Даяна Ястрэмская^[11].

2024: Чвэрцьфінал турніру Вялікага шлема, дэбют у топ-30

На Адкрытым чэмпіянаце Аўстраліі па тэнісе 2024 года яна абыйграла Клэр Лю, Элізэ Мертэнс, Эліну Аванесян і іншую нейтральную расійскую спартсменку, кваліфаерку Марыю Цімафееву на шляху да свайго першага чвэрцьфіналу турніру Вялікага шлема. Да паўфіналу прайсці не ўдалося, украінка саступіла Кока Гаўф з лікам 6:7, 7:6, 6:2. Гэта першы выпадак, калі адразу некалькі ўкраінак выйшлі ў трэці раўнд, а таксама рэкордная колькасць украінскіх тэнісістак, што выйшлі ў чвэрцьфінал на мейджары ў Адкрытую эру: дзве дзяўчыны^[12][13].

Выніковае месца ў рэйтынгу WTA паводле гадоў

Год	Адзіночны рэйтынг	Парны рэйтынг
2022	70	46
2021	50	97
2020	98	112
2019	155	568
2018	118	849
2017	518

Выступленні на турнірах

Выступленні ў адзіночным разрадзе

Фіналы турніраў WTA ў адзіночным разрадзе (1)

Перамогі (1)

Легенда:
Турніры Вялікага шлема (0)*
Алімпіяда (0)
Выніковы турнір WTA (0)
WTA 1000 Mandatory (0)
WTA 1000 (0)
WTA 500 (0)
WTA 250 (1+2)

Тытулы па пакрыццях	Тытулы па месцы правядзення матчаў турніру
Хард (1+1)*	Зал (0)
Грунт (0)
Трава (0+1)	Адкрытае паветра (1+2)
Дыван (0)

* колькасць перамог у адзіночным разрадзе + колькасць перамог у парным разрадзе.

№	Дата	Турнір	Пакрыццё	Суперніца ў фінале	Рахунак
1.	5 сакавіка 2023	Остын, ЗША	Хард	Варвара Грачова[14]	6-3 7-5

Фіналы турніраў WTA 125 і ITF у адзіночным разрадзе (8)

Перамогі (3)

Легенда:
WTA 125 (0+1)*
100.000 USD (0)
80.000 USD (0)
60.000 USD (2+1)
25.000 USD (1+1)
15.000 USD (0)

Тытулы па пакрыццях	Тытулы па месцы правядзення матчаў турніру
Хард (2+2)*	Зал (0+1)
Грунт (1+1)
Трава (0)	Адкрытае паветра (3+2)
Дыван (0)

* колькасць перамог у адзіночным разрадзе + колькасць перамог у парным разрадзе.

№	Дата	Турнір	Пакрыццё	Суперніца ў фінале	Рахунак
1.	14 мая 2017	Дунакесі, Венгрыя	Грунт	Бернарда Пера	6-4 6-3
2.	3 лютага 2018	Берні, Аўстралія	Хард	Вікторыя Голубіч	6-4 6-3
3.	23 лютага 2020	Каір, Егіпет	Хард	Алена Бальшова	6-1 6-0

Паражэнні (5)

№	Дата	Турнір	Пакрыццё	Суперніца ў фінале	Рахунак
1.	11 сакавіка 2018	Чжухай, Кітай	Хард	Марына Занеўская	2-6 4-6
2.	9 июня 2019	Торунь, Польшча	Грунт	Рэбека Шрамкава	2-6 2-6
3.	22 верасня 2019	Сен-Мало, Францыя	Грунт	Варвара Грачова	3-6 2-6
4.	25 кастрычніка 2020	Мейкон, ЗША	Хард	Кэтрын Беліс	4-6 7-6(4) — адмова
5.	1 ноября 2020	Тайлер, ЗША	Хард	Энн Лі	5-7 6-1 3-6

Выступленні ў парным разрадзе

Фіналы турніраў WTA ў парным разрадзе (3)

Перамогі (2)

№	Дата	Турнір	Пакрыццё	Партнёрка	Суперніцы ў фінале	Рахунак
1.	18 верасня 2022	Портараж, Славенія	Хард	Тэрэза Мартынцова	Крысціна Букса Тэрэза Мігалікава	6-4 6-0
2.	25 чэрвеня 2023	Бірмінгем, Вялікабрытанія	Трава	Барбара Крэйчыкава	Алісія Паркс Сторм Хантэр	6-2 7-6(7)

Паражэнні (1)

№	Дата	Турнір	Пакрыццё	Партнёрка	Суперніцы ў фінале	Рахунак
1.	23 кастрычніка 2021	Тэнэрыфэ, Іспанія	Хард	Людміла Кічанок	Элен Перэс Ульрыкэ Эйкеры	3-6 3-6

Фіналы турніраў WTA 125 і ITF у парным разрадзе (3)

Перамогі (3)

№	Дата	Турнір	Пакрыццё	Партнёрка	Суперніцы ў фінале	Рахунак
1.	28 красавіка 2019	К’яса, Швейцарыя	Грунт	Крысціна Букса	Шэрон Фічмен Джэймі Форліс	6-1 3-6 [10-7]
2.	23 лютага 2020	Каір, Егіпет	Хард	Каміла Рахімава	Паула Каня Анастасія Шошына	6-3 2-6 [10-6]
3.	18 снежня 2022	Лімож, Францыя	Хард (зал)	Аксана Калашнікава	Алісія Барнет Алівія Нікалс	7-5 6-1

Выступленні на юніёрскіх турнірах

Фіналы юніёрскіх турніраў Вялікага шлема ў адзіночным разрадзе (1)

Вынік	Год	Турнір	Пакрыццё	Суперніца ў фінале	Рахунак
Перамога	2017	Адкрыты чэмпіянат Аўстраліі	Хард	Рэбека Масарава	7-5 1-6 6-4

Фіналы юніёрскіх турніраў Вялікага шлема ў парным разрадзе (1)

Вынік	Год	Турнір	Пакрыццё	Партнёрка	Суперніцы ў фінале	Рахунак
Перамога	2017	Адкрыты чэмпіянат ЗША	Хард	Вольга Даніловіч	Ліа Бошкавіч Ван Сію	6-1 7-5

Зноскі

1. Player Profile // WTA website

   <a href='https://wikidata.org/wiki/Track:Q14580067'></a>
2. Марта Костюк — украинская чемпионка, покорившая Австралию (нявызн.). Архівавана з першакрыніцы 24 чэрвеня 2017. Праверана 6 ліпеня 2017.
3. Кто такая новая звезда украинского тенниса 14-летняя Марта Костюк (нявызн.)(недаступная спасылка). Архівавана з першакрыніцы 5 красавіка 2017. Праверана 6 ліпеня 2017.
4. Татьяна Ящук. Мама украинской чемпионки Australian Open: "Сразу поняла, что Марта - талант" (нявызн.) (30 студзеня 2017). Архівавана з першакрыніцы 29 ліпеня 2021. Праверана 29 ліпеня 2021.
5. Победительница Australian Open Костюк: от $98 призовых до Большого шлема (нявызн.). Архівавана з першакрыніцы 8 ліпеня 2017. Праверана 6 ліпеня 2017.
6. Marta Kostyuk def Rebeka Masarova 7-5 1-6 6-4
7. ITF Tennis - Pro Circuit - $25,000 Dunakeszi - 08 May - 14 May 2017 (нявызн.). Міжнародная федэрацыя тэніса. Архівавана з першакрыніцы 7 чэрвеня 2017. Праверана 6 ліпеня 2017.
8. Дунакеси. Костюк проведёт дебютный финал на профессиональном уровне (нявызн.). Архівавана з першакрыніцы 19 чэрвеня 2017. Праверана 6 ліпеня 2017.
9. 14-летняя украинка Марта Костюк выиграла турнир ITF (нявызн.). Архівавана з першакрыніцы 31 жніўня 2017. Праверана 6 ліпеня 2017.
10. Juniors Rankings (29 Jan 2018) (нявызн.). Архівавана з першакрыніцы 22 кастрычніка 2020. Праверана 31 студзеня 2018.
11. Марта Костюк не сыграет на Олимпийских играх из-за проблем с плечом (нявызн.). Архівавана з першакрыніцы 29 ліпеня 2021. Праверана 29 ліпеня 2021.
12. Kostyuk's pursuit for success Down Under amid her country's ongoing war (англ.).
13. Flying the flag: Kostyuk, Yastremska stand tall for Ukraine (англ.).
14. Расійская тэнісістка гуляла на турніры ў нейтральным статусе, у перыяд забароны выступаў пад сцягам Расіі.