Марыя Якаўлеўна Баравік

У Вікіпедыі ёсць артыкулы пра іншых людзей з прозвішчам Баравік (значэнні).

Марыя Якаўлеўна Баравік (нар. 22 лютага 1946, вёска Праабражэнка, Глыбоцкі раён, Віцебская вобласць) — беларуская паэтка, драматург.

Марыя Якаўлеўна Баравік
Асабістыя звесткі
Дата нараджэння	22 лютага 1946(1946-02-22) (79 гадоў)
Месца нараджэння	Праабражэнка, Галубіцкі сельсавет, Пліскі раён, Полацкая вобласць, Беларуская ССР, СССР
Альма-матар	факультэт журналістыкі БДУ (1978)
Месца працы	Веснік Глыбоччыны
Прафесійная дзейнасць
Род дзейнасці	паэтка, драматург
Грамадская дзейнасць
Член у	Саюз беларускіх пісьменнікаў

Біяграфія

Вучылася ў Перадольскай сямігодцы, потым у Падсвільскай сярэдняй школе. У 1978 годзе скончыла факультэт журналістыкі БДУ. Працавала ў Падсвільскім Доме культуры, у рэдакцыі глыбоцкай раённай газеты «Шлях перамогі» (зараз «Веснік Глыбоччыны»), працавала кіраўніком гуртка «Юны экскурсавод» Падсвільскага цэнтра дзіцяча-юнацкага турызму і экскурсій.

Пачынаючы з 1965 г. друкавалася ў газетах «Шлях перамогі», «Віцебскі рабочы», «Чырвоная змена», «Голас Радзімы», «Знамя юности», «ЛіМ», «Наша слова», «Народнае слова», у часопісах «Маладосць», «Родная прырода», «Бярозка», «Вясёлка», «Роднае слова» і інш.; у калектыўных зборніках «Дзень паэзіі», «Самавар у лесе», у альманахах «Край», «Далягляды», «Ратуша».

У 1985 годзе выйшла яе кніга паэзіі «Поле долі», у 1995 — зборнік паэзіі «Вір пяшчоты і журбы». Піша і для дзяцей — казкі, загадкі, вершы.

Член Саюза беларускіх пісьменнікаў з 1992 года. Жыве ў Падсвіллі.

Зноскі