Млечнік

Мле́чнік, Малачай^[1] (Lactarius) — род шапкавых базідыяльных грыбоў сямейства сыраежкавых.

Млечнік
Ваўнянка
Навуковая класіфікацыя
прамежныя рангі Дамен:  Эўкарыёты Царства:  Грыбы Падцарства:  Вышэйшыя грыбы Аддзел:  Базідыяльныя грыбы Пададдзел:  Agaricomycotina Клас:  Агарыкаміцэты Парадак:  Сыраежкавыя Сямейства:  Сыраежкавыя Род:  Млечнік
Міжнародная навуковая назва
Lactarius Pers. 1797
Сінонімы
Agaricus Fr., 1818 Galorrheus (Fr.) Fr., 1825 Gloeocybe Earle, 1909 Hypophyllum Earle, 1909 Lactariella J.Schröt., 1889 Lactariopsis Henn., 1901 Lactifluus (Pers.) Roussel, 1806 Pleurogala Redhead & Norvell, 1993
Тыпавы від
Lactarius piperatus (L.) Pers., 1797 — Кароўка
Сістэматыка на Віківідах Выявы на Вікісховішчы ITIS   168555 NCBI   34444 EOL   16730 MB   17895

У паняцця ёсць і іншыя значэнні, гл. Малачай (значэнні).

Апісанне

Пладовае цела — шапка на ножцы. Шапка белая, шэрая да ружавата-ліловай, карычневая, дыяметрам да 25 см, звычайна правільна-круглаватая з загорнутым ці апушчаным уніз краем, не аддзяляецца ад ножкі. Пласціны прырослыя або зыходныя. Ножка шчыльная або рыхлая, часта ўнутры полая. Мякаць белая, палевая, з млечным сокам (сістэматычная адзнака). Споры авальныя або шарападобныя, белыя ці жаўтаватыя.

Пашырэнне

Вылучаецца каля 80 відаў. Пашыраны ў Еўразіі і Амерыцы. На Беларусі 42 віды. Найбольш вядомыя: млечнік белы, або бялянка (Lactarius pubescens), млечнік горкі, або гаркуха (Lactarius rufus), грузд чорны (Lactarius necator), млечнік ружовы, або ваўнянка (Lactarius torminosus), млечнік апушаны, або скрыпіца (Lactarius vellereus), млечнік смачны, або рыжык (Lactarius deliciosus). Трапляюцца з ліпеня па кастрычнік у лясах, на ўзлесках і лугах, дзе ёсць карані дрэў. Утвараюць «ведзьміны кольцы».

Выкарыстанне

Усе віды ядомыя.

Некаторыя віды

• Lactarius indigo
• Млечнік звычайны (Lactarius trivialis)
• Шаруха (Lactarius flexuosus)

Зноскі

1. Грыбы і грыбная кулінарыя : папулярны энцыклапедычны даведнік / Галіна Сяржаніна, Іван Яшкін. — Мінск : Беларуская асацыяцыя кулінараў, 2005. — 387с., [24] л. каляр. іл. ; 24 см. — На вокладцы аўтары не паказаны. — Бібліяграфія: с. 343—350. — Алфавітныя паказчыкі: с. 351—385. — 1000 экз. — ISBN 985-6081-34-3.