Мікалай Іванавіч Валынец

Мікалай Іванавіч Валынец (3 красавіка 1921(1921-04-03), Цалевічы, Слуцкі павет — 3 сакавіка 2003(2003-03-03), Банцараўшчына, Мінская вобласць) — беларускі жывапісец.

Мікалай Іванавіч Валынец
Дата нараджэння	3 красавіка 1921(1921-04-03)
Месца нараджэння	Цалевічы, Чапліцкая воласць[d], Слуцкі павет, Беларуская ССР
Дата смерці	3 сакавіка 2003(2003-03-03) (81 год)
Месца смерці	Банцараўшчына, Ждановіцкі сельсавет, Мінскі раён, Мінская вобласць, Беларусь
Месца пахавання	Ждановічы
Грамадзянства	СССР  Беларусь
Род дзейнасці	мастак
Жанр	пейзаж, партрэтны жывапіс[d] і нацюрморт
Вучоба	Віцебскае народнае мастацкае вучылішча (1940)
Уплыў	Леў Мееравіч Лейтман і Іван Восіпавіч Ахрэмчык
Член у	Саюз мастакоў БССР
Узнагароды
Сайт	volynec.ru
Медыяфайлы на Вікісховішчы

У Вікіпедыі ёсць артыкулы пра іншых людзей з прозвішчам Валынец.

Біяграфія

Нарадзіўся 3 красавіка 1921 года ў вёсцы Цалевічы Слуцкага раёна. У 1940 годзе скончыў Віцебскае мастацкае вучылішча, дзе вучыўся ў Л. Лейтмана і І. Ахрэмчыка^[1]. Удзельнічаў у мастацкіх выставак з 1940 года^[1].

Удзельнічаў у Вялікай Айчыннай вайне^[1], змагаўся ў баях за Сталінград і Кёнігсберг. У жніўні 1945 г. прымаў удзел у савецка-японскай вайне.

Пасля заканчэння вайны кіраваў студыяй выяўленчага мастацтва ў Хабараўску (Расійская СФСР). У 1950 г. вярнуўся ў БССР. Працаваў у Слоніме мастаком музея, распісваў сцены ў храмах Жыровіцкага Свята-Успенскага манастыра. У 1951 г. пераехаў у Мінск, а ў 1954 г. пасяліўся ў вёсцы Банцараўшчына Мінскага раёна. З 1958 г. працаваў на Беларускім мастацка-афарміцельскім камбінаце.

Член Беларускага саюза мастакоў з 1980 года^[1].

Памёр 3 сакавіка 2003 года. Пахаваны на могілкі ў Ждановічах.

Творчасць

Працуе пераважна ў жанрах партрэта і пейзажа. Сярод асноўных твораў — партрэты: невядомага салдата, франтавой медсястры, мастакоў В. Цвіркі, С. Андруховіча, Л. Лейтмана, лётчыка В. Коўзуна. Стварыў таксама пейзажы «Залатая восень», «Рэчка ў Чамярах», «Млын», «Раніца ў Белавежскай пушчы», а таксама карціну «Касмічная паэма»^[1].

Творы мастака захоўваюцца ў фондах БСМ і Музеі сучаснага выяўленчага мастацтва ў Мінску^[1], у музеях краін СНД, у замежных калекцыях у ЗША, Італіі, Англіі, Чэхіі, у прыватных зборах^[2].

• 
  Санаторый «Ждановічы»
• 
  Санаторый «Крыніца»
• 
  Новы Афон
• 
  Банцараўшчына, 1970
• 
  Банцараўшчынскі куток, 1978^[3]

Узнагароды

Узнагароджаны ордэнам Айчыннай вайны ІІ ступені, медалямі^[4].

Сям’я

У шлюбе з Таццянай Усцінаўнай Валынец (Крачко), якая працавала лекаркай, меў траіх дзяцей: дачок Вольгу і Тамару^[2] і сына Мікалая, які памёр у 31 год ад цяжкага захворвання — пухліны мозгу.