Міхаіл Іванавіч Бакланаў

У Вікіпедыі ёсць артыкулы пра іншых людзей з прозвішчам Бакланаў.

Міхаіл Іванавіч Бакланаў (12 лістапада 1914, в. Іваніўка, Мікалаеўская воласць, Марыупальскі павет, Кацярынаслаўская губерня, цяпер Валнавахскі раён, Данецкая вобласць — 23 студзеня 1990, Мінск) — беларускі архітэктар. Заслужаны архітэктар БССР (1969)^[1].

Міхаіл Іванавіч Бакланаў
руск.: Михаил Иванович Бакланов
Паштовы канверт Беларусі з выявай Міхаіла Бакланава
Дата нараджэння	12 лютага 1914(1914-02-12)
Месца нараджэння	Іваніўка[d], Q20082204?, Марыупальскі павет[d], Кацярынаслаўская губерня, Расійская імперыя
Дата смерці	23 студзеня 1990(1990-01-23) (75 гадоў)
Месца смерці	Мінск, Беларуская ССР, СССР
Грамадзянства	Расійская імперыя  СССР
Альма-матар	Харкаўскі архітэктурна-будаўнічы тэхнікум[d] (1936) Харкаўскі інжынерна-будаўнічы інстытут (1941)
Працы і дасягненні
Месца працы	Белдзяржпраект
Член у	Саюз архітэктараў СССР
Найважнейшыя пабудовы	Дзяржаўны мастацкі музей БССР, Дзяржаўны рускі драматычны тэатр БССР (1948-50, перабудова), Архітэктурна-будаўнічы тэхнікум (1954)
Узнагароды	Грамата Прэзідыума Вярхоўнага Савета БССР (1949, 1954)
Медыяфайлы на Вікісховішчы

Біяграфія

У 1932—1936 гадах вучыўся ў Харкаўскім архітэктурна-будаўнічым тэхнікуме, у 1936—1941 гадах ў Харкаўскім інжынерна-будаўнічым інстытуце^[2]. Удзельнік партызанскага руху ў час Вялікай Айчыннай вайны^[3]. 3 1944 года па 1975 г. працаваў архітэктарам, галоўным архітэктарам праектаў, кіраўніком майстэрні ў інстытуце «Белдзяржпраект»^[2].

Член Саюза архітэктараў СССР з 1946 года. Пражываў у Мінску^[2]. Памёр 23 студзеня 1990 года.

Творчасць

Нацыянальны акадэмічны драматычны тэатр імя Максіма Горкага

Нацыянальны мастацкі музей Рэспублікі Беларусь

Былы навучальны корпус Мінскага медыцынскага інстытута (цяпер юрыдычны факультэт БДУ)

Галоўны корпус БДУ

Асноўныя працы: рэканструкцыя будынка Дзяржаўнага рускага драматычнага тэатра БССР (1948—1950), будынак ЦСУ (1952—1954)^[2], архітэктурна-будаўнічы тэхнікум (1954), Дзяржаўны мастацкі музей БССР (1957^[2]), жылыя дамы на вуліцы К. Маркса (1954), на рагу вуліц Захарава і Першамайскай (1958)^[1], жылы дом інстытута народнай гаспадаркі^[3], навучальныя карпусы № 7 і 8 Беларускага інстытута механізацыі сельскай гаспадаркі^[3] (1960, 1973—1980), медыцынскага інстытута (1966), корпус факультэта радыёфізікі і электронікі БДУ (1966, сумесна з Н. Дзяменцьевай)^[1], набярэжная ракі Свіслачы^[3] ў Мінску, галоўны корпус турысцкай базы (1968—1972^[2]) і комплекс дома адпачынку «Сосны» (1975) на возеры Нарач у Мядзельскім раёне^[1].

Біяграфічныя дакументы, фотаздымкі індывідуальныя і ў групах, фотаздымкі будынкаў, спраектавананых Бакланавым, захоўваюцца ў БДАНТД, куды перададзены жонкай^[4].

Узнагароды

Узнагароджаны ордэнамі Працоўнага Чырвонага Сцяга (1958), Айчыннай вайны II ступені (1985), 6 медалямі, Ганаровай граматай (1969) і дзвюма Граматамі Прэзідыума Вярхоўнага Савета БССР (1949, 1954)^[2]. У 1969 г. яму прысвоена ганаровае званне заслужанага архітэктара Беларусі^[5]. Занесены ў Кнігу народнай славы "Белдзяржпраекта"^[3].

Зноскі

1. Бакланов Михаил Иванович // Биографический справочник. — Мн.: «Белорусская советская энциклопедия» имени Петруся Бровки, 1982. — Т. 5. — С. 38. — 737 с.
2. Бакланов Михаил Иванович // Архитекторы Советской Белоруссии: Биогр. справочник / Союз архитекторов БССР; Сост. В. И. Аникин и др. — Мн.: Беларусь, 1991. — 262 с. — ISBN 5-338-00611-1. (руск.)
3. Бакланов Михаил Иванович // Белорусский государственный проектный институт «Белгоспроект» : [1933―1983] / Государственный комитет по строительству и архитектуре Совета Министров Белорусской ССР (Госстрой БССР) ; [составители: Г. И. Лиопо и др.]. — Минск: Полымя, 1983. — 142 с. — 2 500 экз.
4. Вольга Іванова. Асaбістыя архівы Беларусі канца XVIII-пач. XXІ ст. Мінск, 2014. 404 с.
5. К 95-летию со дня рождения Михаила Ивановича Бакланова Архівавана 12 чэрвеня 2011. (руск.)