Насовічы

Насо́вічы^[2] (трансліт.: Nasovičy, руск.: Носовичи) — аграгарадок (з 2010 года)^[3] у Беларусі, у Добрушскім раёне Гомельскай вобласці. Адміністрацыйны цэнтр Насовіцкага сельсавета.

Аграгарадок Насовічы Краіна Беларусь Вобласць Гомельская Раён Добрушскі Сельсавет Насовіцкі Каардынаты 52°16′46″ пн. ш. 31°15′48″ у. д.HGЯO Насельніцтва 1 553 чалавекі[1] (2010) Часавы пояс UTC+3 Тэлефонны код +375 2333 Паштовыя індэксы 247073 Аўтамабільны код 3 СААТА 3212856041 Насовічы Насовічы

Геаграфія

Аграгарадок знаходзіцца за 21 км у напрамку на поўдзень ад горада Добруш, за 30 км ад Гомеля, за 6 км ад чыгуначнай станцыі Зябраўка, каля ракі Вуць^[4]. Прыпыначны пункт Гомельскага аддзялення Беларускай чыгункі на лініі Куток — Гомель.

Гісторыя

Згадваецца ў канцы XVI ст. як вёска ў Рэчыцкім павеце Вялікага Княства Літоўскага. З 1772 года ў Расійскай імперыі. З 1886 года мястэчка, цэнтр воласці ў Гомельскім павеце. Дзейнічалі 2 школы, бальніца, вінакурны завод, крама, царква. З 8 снежня 1926 г. да 4 жніўня 1927 г. вёска Насовічы была адміністрацыйным цэнтрам Насовіцкага раёна. З 1927 года Насовічы — цэнтр сельсавета ў Гомельскім, з 1931 года ў Церахоўскім раёне. У час Вялікай Айчыннай вайны захопнікі загубілі 56 жыхароў вёскі, 155 чалавек вывезлі ў Германію, у верасні 1943 г. вёску спалілі^[4]. З 1954 года Насовічы ў Добрушскім раёне, цэнтр сельсавета.

Насельніцтва

• 1886 год — 1378 жыхароў, 239 двароў^[4].
• 1999 год — 1701 жыхар, 663 двары^[4].

Памятныя і гістарычныя мясціны

• Помнік землякам, настаўнікам і вучням, загінуўшым і загубленым у Вялікую Айчынную вайну^[4].
• Помнік ахвярам Чарнобыльскай катастрофы^[4].
• Брацкая магіла савецкіх воінаў.  Гісторыка-культурная каштоўнасць Беларусі, шыфр 313Д000270шыфр 313Д000270
• За 1,5-2 км у напрамку на захад ад аграгарадка, на правым беразе ракі Вуць, знаходзіцца археалагічны помнік — селішча эпохі ранняга жалезнага веку.  Гісторыка-культурная каштоўнасць Беларусі, шыфр 313В000269шыфр 313В000269

Вядомыя асобы

• Макар Яфімавіч Міхалёў (1908-1995) — савецкі канструктар.
• Георгій Сцяпанавіч Раманчыкаў (1905—1993) — савецкі гаспадарчы, дзяржаўны і палітычны дзеяч.
• Арон Залманавіч Раскін (1910—1986, Масква) — літаратурны крытык^[5]