Наўля

Наўля (руск.: На́вля) — пасёлак гарадскога тыпу, адміністрацыйны цэнтр Наўлінскага раёна Бранскай вобласці Расіі. Размешчаны на рацэ Наўлі, прытоку Дзясны. Вузлавая чыгуначная станцыя, за 53 км на поўдзень ад Бранска. Заснаваны ў 1904 годзе ў сувязі з будаўніцтвам Маскоўска-Кіеўска-Варонежскай чыгункі. З 1938 года — пасёлак гарадскога тыпу.

Пасёлак гарадскога тыпу Наўля Герб Краіна  Расія Суб’ект федэрацыі Бранская вобласць Муніцыпальны раён Наўлінскі раён Каардынаты 52°49′41″ пн. ш. 34°29′56″ у. д.HGЯO Заснаваны 1904 Насельніцтва ▲15 536 чал. (2021)[1] Часавы пояс UTC+03:00 Тэлефонны код 48342 Паштовыя індэксы 242130 Код АКАТП 15238551000 Наўля на карце Расіі ±

Медыяфайлы на Вікісховішчы

Назва

Назва Наўля ад назвы дзесенскай ракі Наўлі, на якой паселішча паўстала.

Рачная назва балцкага паходжання. Найбліжэйшы гідранімічны аналаг — назва ракі Наўля (прыток сожскага Астра, на ўсходзе ад Рослаўля).

Ад індаеўрапейскага *nāṷ- «смерць, мярцвяк». У непасрэднай блізкасці да сожскай Наўлі (сцякаюць з аднаго ўзвышша) — дзесенская рака Мярцвіца, назва якой, як мяркуецца, калькуе назву Наўлі^[2]. Рэчкі з назвай Мярцвіца таксама на поўначы і на поўдні ад Мсціслава (прытокі сожскай Віхры і сожскай Чорнай Натапы).

З назвай дзесенскай і сожскай Наўляў звязваюць таксама назву возера Наўліца (Наўліцкае) пад Полацкам.

Адпачатная балцкая форма гэтых назваў — *Navi̯a (Nauja). Яе значэнне — «Мёртвая (рака)».

Вядомыя ўраджэнцы і жыхары

• Вячаслаў Сямёнавіч Сцёпін, расійскі філосаф