Ножніцы (возера)

У паняцця ёсць і іншыя значэнні, гл. Ножніцы.

Ножніцы — возера ў Расонскім раёне Віцебскай вобласці ў басейне ракі Дрыса, за 36 км на ўсход ад гарадскога пасёлка Расоны, каля вёскі Ножніцы.

Ножніцы
Морфаметрыя
Даўжыня	1,38 км
Шырыня	0,63 км
Плошча	0,72 км²
Аб’ём	0,0026 км³
Даўжыня берагавой лініі	5,6 км
Найбольшая глыбіня	5,6 м
Сярэдняя глыбіня	3,6 м
Гідралогія
Тып мінералізацыі	прэснае
Салёнасць	0,13 ‰
Празрыстасць	5 м
Басейн
Плошча вадазбору	1,76 км²
Упадаюць	ручаі
Размяшчэнне
Краіна	Беларусь
Рэгіён	Віцебская вобласць
Ножніцы
Ножніцы

Плошча паверхні возера 0,72 км². Даўжыня 1,38 км, найбольшая шырыня 0,63 км. Найбольшая глыбіня 5,6 м, сярэдняя 3,6 м. Даўжыня берагавой лініі 5,6 км. Аб’ём вады 2,6 млн. м³. Плошча вадазбору 1,76 км².
Катлавіна возера тэрмакарставага тыпу. Схілы катлавіны вышынёй 5—9 м, пясчаныя. Берагавая лінія слабазвілістая. Берагі нізкія (0,3—0,7 м), пясчаныя, пад хмызняком. Літаральная зона вузкая і спадзістая, пашыраецца ў залівах. Дно выслана сапрапелем. Вада вызначаецца высокай празрыстасцю (да 5 метраў^[1]).
Возера эўтрофнае, бяссцёкавае. Упадаюць 3 ручаі^[1]. Зарастае падводнай расліннасцю да глыбіні 4 м. Уздоўж берагоў палоса трыснягу шырынёй да 15 метраў і да глыбіні 2 м^[1].

У возеры водзяцца шчупак, лешч, плотка, акунь, карась, лінь і іншыя рыбы.

Зноскі

1. Энцыклапедыя прыроды Беларусі. У 5-і т. Т.4. Недалька — Стаўраліт / Рэдкал.: І. П. Шамякін (гал. рэд.) і інш. — Мн.: БелСЭ, 1985. — Т. 4. — 599 с. — 10 000 экз.