Скідалька

Скі́далька, Скі́даліца, Скідаля́нка, Скі́дзелька^[1], Скідзяліца^[1], Скідзялянка^[1] — рака ў Беларусі, у Мастоўскім і Гродзенскім раёнах Гродзенскай вобласці Беларусі, левы прыток ракі Котра (басейн Нёмана).

Скідалька
Характарыстыка
Даўжыня	28 км
Басейн	450 км²
Вадацёк
Выток
• Каардынаты	53°28′42″ пн. ш. 24°31′00″ у. д.HGЯO
Вусце	Котра
• Каардынаты	53°36′33″ пн. ш. 24°13′02″ у. д.HGЯO
Ухіл ракі	1,4 м/км
Размяшчэнне
Водная сістэма	Котра → Нёман → Балтыйскае мора
Краіна	Беларусь
Рэгіён	Гродзенская вобласць
Раёны	Мастоўскі раён, Гродзенскі раён
выток вусце
— выток, — вусце

Назва

Корань Skid- у літоўскім гідроніме Skid-upys^[2]. Звязана з літоўскім skidyti, skisti «разыходзіцца ў бакі; абтрэпвацца». Далей да індаеўрапейскага *(s)k(h)ed- «расколваць, раскідаць»^[3]. Водныя назвы, утвораныя ад каранёў з падобнай семантыкай, пазначалі або азёры з «ірванай» берагавой лініяй (з мноствам заток, што ўразаюцца ў сушу), або рэкі з цячэннем, якое на адносна абмежаваным участку свайго шляху рэзка мяняе кірунак^[4].

Пашыральнік -el- у назве недалёкай адсюль нёманскай ракі Зецела (Zietela > Дзятлаўка). Назва Зецела другасная, ад яцвяжскай назвы возера *Zeitō^[5]. Пашыральнік -el- таксама ў назве ракі Дрысела на Павоччы (каля Разані), у якой корань той жа, што і ў назве дзвінскай Дрысы.

Гідраграфія

Даўжыня 28 км, 20 км з іх у Мастоўскім раёне^[6]. Плошча вадазбору 450 км². Сярэдні нахіл воднай паверхні 1,4 ‰.

Пачынаецца за 5 км на паўночны ўсход ад вёскі Заполле Мастоўскага раёна, упадае ў Котру за 0,6 км на паўночны захад ад вёскі Некрашы Гродзенскага раёна.

Прытокі: рака Спушанка і меліярацыйныя каналы. Рэчышча на працягу 22,5 км (ад вытоку да вусця ракі Спушанка ў межах горада Скідзель) каналізаванае.