Нічыпар Мяцельскі

Нічы́пар Мяце́льскі (1905, в. Ануфравічы, цяпер Грэскі сельсавет, Слуцкі раён — 6 красавіка 1943, ваколіцы Рудзенску, Пухавіцкі раён) — дзеяч беларускага адраджэння.

Нічыпар Мяцельскі
Дата нараджэння	1905
Месца нараджэння	Ануфравічы, Слуцкі павет, Мінская губерня, Расійская імперыя
Дата смерці	6 красавіка 1943(1943-04-06)
Месца смерці	Рудзенск, Рудзенскі пасялковы савет, Рудзенскі раён, Мінская вобласць, Беларуская ССР, СССР
Партыя	Беларуская незалежніцкая партыя
Медыяфайлы на Вікісховішчы

У Вікіпедыі ёсць артыкулы пра іншых людзей з прозвішчам Мяцельскі.

Біяграфія

У 1924 годзе браў удзел у падпольнай антыбальшавіцкай арганізацыі Юркі Лістапада, а пасля вызвалення працаваў настаўнікам у вёсцы Цітва пад Рудзенскам, дзе застаўся і пры нямецкіх акупантах. Напачатку 1943 года мінская «Беларуская газета» надрукавала артыкул Рыгора Крушыны «З мінулых дзён. Судовы працэс над Лістападам», дзе ўзгадваўся і Мяцельскі як прыхільнік арганізавацыі беларускіх ваенных аддзелаў і стварэння нацыянальнага ўрада. У выніку гэтага быў схоплены савецкімі партызанымі 2-й Мінскай брыгады (камандзір С. Іваноў), якімі быў абвінавачаны ў аднаўленні контаррэвалюцыйнае дзейнасці і прыналежнасці да мясцовай суполкі Беларускай незалежніцкай партыі. Расстраляны.

Зноскі