Ордэн Святых Роўнаапостальных Кірыла і Мяфодзія

Ордэн Святых Роўнаапостальных Кірыла і Мяфодзія (балг.: Орден «Светите Равноапостоли Кирил и Методий») — найвышэйшая дзяржаўная ўзнагарода царства Балгарыя, уведзена 18 мая 1909 года ўказам цара Фердынанда I. Ім узнагароджваліся вайсковыя, духоўныя і цывільныя асобы, якія дасягнулі найвышэйшых пасад у дзяржаўнай іерархіі і атрымалі найвышэйшыя ступені іншых балгарскіх ордэнаў. Таксама маглі ўзнагароджвацца замежныя каранаваныя асобы і князі-хрысціяне за агульначалавечыя заслугі.

Ордэн Святых Роўнаапостальных Кірыла і Мяфодзія
Орден «Светите Равноапостоли Кирил и Методий»
Арыгінальная назва	Орден «Светите Равноапостоли Кирил и Методий»
Дэвіз	Святло з Усходу лац.: EX ORIENTE LUX
Краіна	Балгарыя
Тып	ордэн
Каму ўручаецца	найвышэйшым ваенным, духоўным і цывільным іерархам і каранаваным асобам
Падставы ўзнагароджання	за агульначалавечыя заслугі
Дата заснавання	18 мая 1909 г.[1] 13 чэрвеня 2003 г.
Статус	не ўручаецца
Статыстыка ўзнагароджанняў
Колькасць	61 чалавек:    9 балгараў    52 замежнікі
Характарыстыкі
Памеры	75 мм × 75 мм
Чарговасць узнагарод
Старэйшая	няма
Малодшая	Ордэн «За храбрасць»
Медыяфайлы на Вікісховішчы

Зорка ордэна

За час існавання ордэна ім былі ўзнагароджаны 9 балгараў і 52 замежнікі.

Пасля вераснёвага перавароту ў Балгарыі і запанавання левых сіл ордэн быў ліквадаваны. Сёння ордэн Святых Роўнаапостальных Кірыла і Мяфодзія ўсё яшчэ захоўваецца Балгарскім Царскім домам у выгнанні, як дынастычная ўзнагарода.

Палажэнне аб узнагародзе

Для ўзнагароджвання вайсковых, духоўных і цывільных асоб, якія дасягнулі найвышэйшых пасад у дзяржаўнай іерархіі і атрымалі найвышэйшыя ступені іншых балгарскіх ордэнаў. Таксама маглі ўзнагароджвацца замежныя каранаваныя асобы і князі-хрысціяне за агульначалавечыя заслугі.

Апісанне

Знак і ланцуг ордэна

Знак орэна	Ланцуг ордэна
Вялікі Магістарскі ланцуг ордэна Святых Роўнаапостальных Кірыла і Мяфодзія
Памер знака: 75 мм х 75 мм	28 звенняў: 14 з балгарскімі львамі, 7 с вензелямі Фердынанда I, 7 з бурбонскімі ліліямі. З’яўляецца прывілегіяй толькі цара Балгарыі, як Вярхоўнага Магістра ордэна.
Вялікі ланцуг ордэна Святых Роўнаапостальных Кірыла і Мяфодзія
Памер знака: 75 мм х 75 мм	24 звенні: 12 з балгарскімі львамі, 6 з вензелямі Фердынанда I, 6 з бурбонскімі ліліямі
Малы ланцуг ордэна Святых Роўнаапостальных Кірыла і Мяфодзія
Памер знака: 75 мм х 75 мм	26 эліпсападобных звенняў. Даўжыня ланцуга 50 см.
Вялікі крыж ордэна Святых Роўнаапостальных Кірыла і Мяфодзія
Памер знака: 75 мм х 75 мм	няма Носіцца на шырокай стужцы аранжавага колеру ленте цераз правае плячо.

Узнагароджаныя ордэнам

Падданыя Балгарыі:

• Фердынанд I, цар Балгарыі (Вялікі Магістарскі ланцуг);
• Барыс III, цар Балгарыі;
• Кірыл, князь Прэслаўскі;
• Ёсіф I, Экзарх Балгарскай праваслаўнай царквы;
• Іван Гешаў, прэм’ер-міністр;
• Васіл Радаславаў, прэм’ер-міністр;
• Іван Вазаў, народны пісьменнік;
• Сімяон, Мітрапаліт Варненскі і Прэслаўскі;
• Данаіл Нікалаяў, генерал пяхоты.

Кіраўнікі замежных дзяржаў:

• Вільгельм II, імператар Германіі;
• Георг VI, кароль Вялікабрытаніі;
• Франц Іосіф I, імператар Аўстра-Венгрыі;
• Мікалай II, імператар Расіі;
• Віктар Эмануіл III, кароль Італіі;
• Карл I, імператар Аўстра-Венгрыі;
• Аляксандр I, кароль Югаславіі.

У перыяд пасля Першай сусветнай вайны ордэнам узнагароджваліся кіраўнікі дзяржаў, а гэтаксама палітычныя кіраўнікі краін Восі:

• Ігнацы Масціцкі, прэзідэнт Польшчы;
• Беніта Мусаліні, прэм’ер-міністр Італіі;
• Герман Герынг, прэм’ер-міністр Прусіі (малы ланцуг);
• Ёахім фон Рыбентроп, міністр замежных спраў Германіі;
• Міхай I, кароль Румыніі;
• Міклаш Хорці, рэгент Венгерскага каралеўства.

Гл. таксама

• Ордэн Кірыла і Мяфодзія
• Ордэн Святых Кірыла і Мяфодзія

Зноскі

1. Денков, В. (2001) Български ордени и медали, Сафія: Кібела.