Орта (Азорскія астравы)

У паняцця ёсць і іншыя значэнні, гл. Орта.

О́рта (парт.: Horta) — горад на востраве Фаял (Партугалія). У Орце знаходзіцца Заканадаўчая асамблея Азорскіх астравоў. Насельніцтва (2011 г.) - 14 994 чал.

Горад Орта Horta Герб Сцяг Краіна  Партугалія Рэгіён Азорскія астравы Каардынаты 38°34′46″ пн. ш. 28°42′59″ з. д.HGЯO Заснаваны 1467 Першая згадка 1467 Горад з 1498 Плошча 10,67 км² Вышыня цэнтра 18 м Афіцыйная мова партугальская Насельніцтва 14994 чалавекі (2011) Нацыянальны склад партугальцы Канфесійны склад каталікі Тэлефонны код (+351) 292 Паштовыя індэксы 9900-997 Афіцыйны сайт cmhorta.pt (парт.) Орта на карце Партугаліі ±

Медыяфайлы на Вікісховішчы

Гісторыя

У 1467 г. фламандскія і партугальскія перасяленцы заснавалі невялікае паселішча на востраве Фаял. Яго сучасная назва — трасфарміраванае імя заснавальніка, фламандца Джоша ван Хюртэра (нідэрл.: Joss van Hürter). У 1498 г. былі пабудаваны ўмацаванні, жыхары атрымалі статус гараджан. У XVI ст. Орта на кароткі час была занята іспанцамі, двойчы вытрымала асаду англійскіх піратаў. У XVII ст. горад стаў адным з цэнтраў ордэна езуітаў.

У 1833 г. правы горада Орта былі пашыраны. У 1847 г. пабудавана новая крэпасць. У Орце некаторы час знаходзілася консульства ЗША. Дзякуючы амерыканскім інвестыцыям у 1876 г. быў пашыраны порт. У 1893 г. праз Орту прайшла трансатлантычная кабельная лінія паміж Еўропай і Паўночнай Амерыкай.

У 1973 г. адчынены аэрапорт (з 2001 г. мае статус міжнароднага). З 1976 г. у Орце працуе Заканадаўчая асамблея Азорскіх астравоў.

Эканоміка

Горад Орта — важны транспартны і камунікацыйны цэнтр Паўночнай Атлантыкі. У ім імкліва развіваецца турызм. Порт Орты прыцягальны для яхтсменаў.

Насельніцтва

Год Колькасць 2011 14 994 [1] 2021 14 331

Гарады-пабрацімы

•  Порту-Алегры, Бразілія
•  Фрымант, ЗША

Славутыя мясціны

• Самая вялікая на Азорскіх астравах гавань, прыцягальная для малых і вялікіх суднаў. Каля гавані знаходзіцца месца, адкуль назіраюць за кітамі і дэльфінамі.
• Стары горад уздоўж гавані з пабудовамі ў барочным і каланіяльным стылях.
• Порту-Пім — невялікі заліў з пясчаным пляжам.
• Монтэ-дэ-Гія — прыродны парк на вулканічным узвышэнні, адкуль назіраюць за наваколлем. На прыбярэжжы шмат птушак, сустракаюцца марскія чарапахі.
• Кальдэйра — вулканічны кратар у 10 км ад горада.
• Кабека-Горда каля Кальдэйры — самае высокае месца вострава Фаял.